Грамадства11

Драма Бароўскага. Як кіраўнік «Белнафтахіма» ўзначаліў МАЗ — транзітам праз турму

«Мне няёмка, што ў яго склалася так жыццё», — казаў Лукашэнка пра лёс Аляксандра Бароўскага.

Аляксандр Бароўскі. Фота Kp.by

Чытайце. Памёр былы гендырэктар МАЗа Аляксандр Бароўскі

Цяпер імя Аляксандра Бароўскага адышло на другі план, але ў канцы 2000-х яго турэмныя прыгоды грымелі на ўсю Беларусь. Яго, вядомага топ-менеджара, кіраўніка «Белнафтахіма» КДБ арыштаваў за злоўжыванне службовымі паўнамоцтвамі. Фармальная прычына — махінацыі з продажам нафты.

Але многія эксперты лічылі, што ў рэальнасці Бароўскага патапілі за тое, што ён занадта наблізіўся да ўлады — яго лічылі фаварытам на пасаду прэм’ер-міністра. Але знайшліся тыя, хто не хацеў пускаць Бароўскага ў высокае крэсла.

Узлёт будучага топ-менеджара быў надзвычай роўным і прадказальным. Нарадзіўся ў 1951 годзе ў Бабруйску, уладкаваўся ў родным горадзе на «Белшыну», там і адпрацаваў амаль 30 гадоў. Прайшоў шлях з нізоў да пасады генеральнага дырэктара. Можа, трохі і затрымаўся на месцы, толькі ў 2001-м яго перавялі ў Наваполацк, паставілі кіраваць «Палімірам». У 2006-м чарговае павышэнне — цяпер Бароўскі ўзначаліў увесь канцэрн «Белнафтахім».

Кар’ера абарвалася ў маі 2007 года. Следства меркавала, што Бароўскі дзейнічаў у інтарэсах «Трайпла» Юрыя Чыжа. Але кіраўнік «Белнафтахіма» не прызнаваў віну. Ён даводзіў, што «Нафтан» трапіў у складаную фінансавую сітуацыю не па яго віне, а таму што аддаў увесь прыбытак за 2006 год у Фонд нацыянальнага развіцця краіны, пазбавіўшыся такім чынам абаротных сродкаў. Яго словы не ўзялі ва ўвагу. Прысуд — 5 гадоў зняволення. Бароўскі трапіў у калонію роднага Бабруйска. Здавалася б, звычайная гісторыя збітага лётчыка.

Але Бароўскага чакаў яшчэ адзін віраж. У снежні 2008 года Лукашэнка памілаваў яго. У зняволенні Бароўскі правёў паўтара года, менш за траціну ад прызначанага тэрміну. Тады такія сітуацыі з вызваленнем карупцыянераў былі дзівам, гэта пасля іх паставілі на паток.

А яшчэ праз год топ-менеджара паставілі кіраваць МАЗам. На новай пасадзе ён адпрацаваў з 2009 да 2012.

«Ваш генеральны дырэктар проста малайчына, — казаў Лукашэнка на МАЗе. — Вы ведаеце яго лёс: з турмы ў генеральныя дырэктары. Мне няёмка, што ў яго склалася так жыццё. Але ён мяне ўразіў. Ён не толькі рэабілітаваўся і паказаў сябе як мужык, але і прынёс шмат карысці для краіны».

Вышэй за МАЗ Бароўскі ўжо не скочыў.

Каментары1

  • MAZ-news
    13.02.2024
    тым часам

    Breaking News:


    У студзені продажы МАЗаў у Расію абваліліся амаль на 30%. Іх выцясняюць з рынка РФ кітайскія і расійскія грузавікі.

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Усе навіны →
Усе навіны

Кантрактнік у Белгарадскай вобласці Расіі застрэліў трох таварышаў і ўцёк са зброяй

У Калінкавічах у 40 гадоў памёр прапаршчык патрульна-паставой службы 

Эдуарду Бабарыку дадалі паўтара года зняволення2

Байдэн назваў віцэ-прэзідэнта Харыс Трампам. Той рэзка адрэагаваў1

Мілінкевіч расказаў, што беларусы могуць даць Еўропе9

Маргарыта Ляўчук выйшла замуж і чакае дзіця30

Разграмілі кватэру былога вядучага АНТ Івана Падрэза11

Сямейную пару расіян затрымалі ў Аўстраліі па падазрэнні ў шпіянажы

Шматдзетнай маці далі 6 гадоў калоніі па 6 артыкулах. Сын-падлетак з інваліднасцю чакае яе на волі8

больш чытаных навін
больш лайканых навін

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Галоўнае
Усе навіны →