Вайна

Аляксандр Сырскі расказаў, за кошт чаго збіраецца перамагаць у вайне

Прызначаны 8 лютага новы Галоўнакамандуючы УСУ Аляксандр Сырскі зрабіў першую заяву на гэтай пасадзе. У ёй ён расказаў пра планаванне баявых дзеянняў, ваенную лагістыку, аднаўленне вайсковых часцей і «будучыя вектары пабудовы перамогі». Заяву ён апублікаваў у сваім тэлеграм-канале.

Аляксандр Сырскі. Фота: AP Photo/Roman Chop

З «новых задач» Сырскі ў першую чаргу назваў «дэталёвае планаванне дзеянняў усіх органаў вайсковага кіравання, аб'яднанняў, злучэнняў і часцей з улікам патрэбаў фронту ў найноўшай зброі, якая паступае ад міжнародных партнёраў».

Таксама ён заявіў пра важнасць ваеннай лагістыкі і кваліфікацыі асабовага складу, а галоўнай каштоўнасцю УСУ назваў жыцці і здароўе вайскоўцаў.

«Таму захаванне балансу паміж выкананнем баявых задач і аднаўленнем часцей і падраздзяленняў — з інтэнсіфікацыяй падрыхтоўкі асабістага складу — застаецца як ніколі актуальным», — напісаў Сырскі.

«Адным з будучых вектараў пабудовы перамогі ў нашай вызваленчай вайне» камандуючы назваў шырокае прымяненне беспілотных сістэм і сучасных сродкаў радыёэлектроннай барацьбы. А адным з галоўных складнікаў агульнага поспеху ў вайне — надзейны тыл.

Нагадаем, што 8 лютага прэзідэнт Украіны Уладзімір Зяленскі аб'явіў пра звальненне Валерыя Залужнага з пасады Галоўнакамандуючага УСУ і прызначыў замест яго генерал-палкоўніка Аляксандра Сырскага, які раней займаў пасаду камандуючага Сухапутнымі войскамі. 

Каментары

Хрэнін пасля загаду Лукашэнкі імгненна пачаў адводзіць войскі з паўднёвай мяжы5

Хрэнін пасля загаду Лукашэнкі імгненна пачаў адводзіць войскі з паўднёвай мяжы

Усе навіны →
Усе навіны

Што адбываецца на мяжы з Польшчай перад выходнымі

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

Пад Варшавай трагічна загінуў 31-гадовы беларускі раварыст Аляксандр Пуставітаў4

Чаму ў гарачыя дні часта баліць галава і як ад таго ўберагчыся

У мястэчку Гарадок на Беласточчыне сёння пачаўся фестываль Tutaka

Міліцыя страляла ў двары мінскага шматпавярховіка. Што здарылася?

У Беларусі зноў пастрожылі палітычны фільтр для экскурсаводаў. Што змянілася ў правілах атэстацыі?2

больш чытаных навін
больш лайканых навін

Хрэнін пасля загаду Лукашэнкі імгненна пачаў адводзіць войскі з паўднёвай мяжы5

Хрэнін пасля загаду Лукашэнкі імгненна пачаў адводзіць войскі з паўднёвай мяжы

Галоўнае
Усе навіны →