Васкрасенскі згадаў «круглы стол» у СІЗА КДБ: «Лукашэнку адкрыта хамілі»
Юрый Васкрасенскі ў інтэрв'ю Азаронку згадаў, як у 2020-м Лукашэнка прыходзіў на сустрэчу з палітвязнямі ў СІЗА КДБ.
Васкрасенскі тую сустрэчу назваў сталом перамоў. Але ў тым, што перамовы не адбыліся, абвінаваціў палітвязняў.
«І я глядзеў на гэтых 11 чалавек, якія там знаходзіліся (апроч прэзідэнта і яго суправаджаючых асоб) і проста дзівіўся іх нікчэмнасці, іх драбнаце. (…) Нейкія дурныя філасофскія тэмы падымалі, або нейкія драбнатраўчатыя пытанні спрабавалі рашыць, або адкрыта хамілі».
Палітвязняў Васкрасенскі назваў «злобнымі людзішкамі», якія не ацанілі «гістарызм гэтага дня».
Трэба згадаць, што ініцыятыва самога Васкрасенскага, калі ён, аказаўшыся на волі, стаў прапаноўваць палітвязням пісаць прашэнні аб памілаванні, вялікага поспеху не мела. Многія, нягледзячы на прашэнне, засталіся даседжваць свой тэрмін.
Сустрэча Лукашэнкі з вядомымі палітвязнямі ў СІЗА КДБ адбылася 11 кастрычніка 2020 года. На яе, апроч Васкрасенскага, прывялі Віктара і Эдуарда Бабарыкаў, Сяргея Ціханоўскага, Аляксандра Васілевіча, адвакатаў Лілію Уласаву, Іллю Салея і Максіма Знака, паліттэхнолага Віталя Шклярава, Дзмітрыя Рабцэвіча (дырэктара мінскага офіса PandaDoc), топаў Белгазпрамбанка Сяргея Дабралёта і Кірыла Бадзея.
Пасля яе на волю выйшлі Васкрасенскі і Рабцэвіч.
Васкрасенскі расказаў, ці пойдзе ў дэпутаты
Палітвязень, які рэзка адказаў Васкрасенскаму, расказаў, як у турме перасякаўся з Пальчысам і як кадэбісты браніравалі столікі на Хрышчаціку
Халатран пра тое, што ў штабе Бабарыкі рабіў Васкрасенскі і ці магла б Калеснікава стаць прэзідэнтам
Васкрасенскі расказаў, што камісія па вяртанні будзе працаваць ціха і незаўважна. І арыгінальна патлумачыў, што стаіць за словамі Лукашэнкі «паўзком, на каленях»
Беларуская блогерка працавала на расійскай апазіцыйнай фабрыцы ботаў, а пасля зліла дакументы?5
Каментары