Грамадства77

Кіраўнік «Байсол» патлумачыў, чаму здаваць бутэлькі — гэта сэксі

Андрэй Стрыжак паказаў у фэйсбуку чэк з літоўскага тарамату на €12,6 эўра, ці 43 беларускія рублі. Нетыпова буйную суму ён атрымаў, здаўшы 120 адзінак тары з-пад напояў за раз. «Зялёнаму парталу» Стрыжак распавёў, чаму здаваў, здае і будзе здаваць тару, нягледзячы на некаторую пагрозу рэпутацыі.

— Андрэй, ты выклаў іранічны пост: фота чэка на 12,5 еўра ад здачы бутэлек з подпісам «за што шыкуе Стрыжак». І панеслася — каментары, жарты, гісторыі людзей з іншых краін. Скажы, ці можна беларускаму мужчыну мець класную рэпутацыю, быць сэксі — і пры гэтым здаваць бутэлькі?

— Сэнс не ў тым, каб проста здаваць бутэлькі… Трэба думаць пра будучыню, трэба рабіць рэсайклінг — гэта і ёсць сэксі.

Я аб рэпутацыі не думаў. Сядзеў са зламанай рукой некалькі месяцаў і проста фізічна не мог насіць пакеты з бутэлькамі. І калі лекары дазволілі нейкую нагрузку даваць, я выграб усё, што ў мяне сабралася за амаль тры месяцы.

Нагрузіў сабе дзве сумкі, адну праз плячо — гэта значыць тры сумкі. Яны лёгкія: быў у асноўным пластык, бляшаны слоік, трохі шкла. У мяне тарамат дастаткова блізка да дома. Атрымалася 126 адзінак тары, плюс чатыры тарамат забракаваў.

— Калі я думаю аб здачы бутэлек, то з аднаго боку стаіць мужык у алкагалічцы з мінулага, а з другога — зʼяўляецца імпазантны Андрэй Стрыжак. Паміж гэтымі двума тыпажамі 20-30 гадоў — што змянілася?

— Асабіста я алкагалічку ніколі не насіў… Хоць і 20 гадоў таму здаваў бутэлькі. Розніца ў тым, што ёсць пазачасавая рэчы. Клопат аб навакольным асяроддзі, думкі, што мы павінны пакінуць планету нашым дзецям у прыстойным стане, думкі аб тым, што асабіста ты можаш паспрыяць абарачальнасці рэсурсу. Такі падыход да ладу жыцця мне блізкі і зразумелы. 

Стрыжак кажа, што яго непрыемна здзіўляе Польшча. 

— Класічная гісторыя: ты едзеш з Вільні ў Варшаву і першае, што кідаецца ў вочы — у сметніцах ляжаць пластыкавыя бутэлькі, бляшанкі, якія ў Вільні нідзе, ні ў адной сметніцы ты фактычна не сустрэнеш. Таму што ў Літве яны ўсе ідуць у тараматы, усе зацікаўленыя ў тым, каб іх здаваць — гэта жывыя грошы. Гэта робяць не толькі незаможныя, гэта робяць абсалютна ўсе. Гэта абсалютна нармальная гісторыя.

У краінах Скандынавіі, у Нямеччыне сістэма рэсайклінгу тары ўладкаваная досыць проста, як і ў Літве. Мне яна вельмі падабаецца прастатой і эфектыўнасцю. Ты кідаеш у тарамат бутэльку — атрымліваеш чэк, потым з гэтым чэкам ідзеш на касу і ён адымаецца з сумы тваёй пакупкі. 

Стрыжак кажа, што яшчэ ў дзяцінстве здаваў тару. Найперш, малочныя бутэлькі.

— А трохлітровы слоік здаць — гэта быў грэх. Вельмі моцна за гэта потым сварыліся: час быў такі галодны, дастаткова складана было выжываць, таму вельмі шмат нарыхтовак на зіму рабілі ў гэтых слоіках з усяго чаго заўгодна. Але дзеці ўсё роўна недзе нешта здавалі, хітравалі.

Ён кажа, што беларусы — гэта якраз прадстаўнікі такой нацыі, якія б вельмі дысцыплінавана і сістэматычна здавалі б бутэлькі, слоікі, пластык, бо нам уласцівая «схільнасць да нейкіх рытуалаў, да парадку».

Каментары7

  • Адольфавіч
    04.02.2024
    Кроў з вачэй... Наступная піяр-заказуха будзе пра тое, як Франак Вячорка, пасля сканчэння працоўнага дня, мые падлогі ў офісе, каб, ашчаджоныя на прыбіральшчыцы грошы, перадаць імфазантнаму Стрыжаку на (((гель для валасоў))) палітвязняў
  • Донэр Данат
    04.02.2024
    Дзякуй вялікі за самаадданы прыклад, сп. Андрэй: сапраўды, трэба нам усім больш піць, каб потым можна было здаць бутэлек паболей і заданаціць вашаму неверагоднаму фонду Байсол на заробкі ў 3000 еўра. 
    Не спыняемся, падтрымліваем сваіх!
  • имя
    04.02.2024
    сдача бутылок наоборот повышает Стрижаку сильно подмоченную репутацию среди грантодателей))
    растянутые трусы и майка алкоголичка тот ещё секси образ (но не у стрижака, конечно). протестую))

Як за 20 кіламетраў ад Беларусі праходзіць фестываль Tutaka ШМАТ ФОТА1

Як за 20 кіламетраў ад Беларусі праходзіць фестываль Tutaka ШМАТ ФОТА

Усе навіны →
Усе навіны

У Беларусі ўжо +37,5°С. У сервісе дастаўкі прадуктаў знікла папулярная мінеральная вада1

51 нобелеўскі лаўрэат заклікаў неадкладна спыніць вайну ва Украіне і канфлікт у сектары Газа13

У гонар беларускага байца назвалі вуліцу ва ўкраінскім Канатопе1

Буданаў пра пагрозу наступу РФ з поўначы: Катастрофы няма, але не бачыць праблем не атрымаецца2

Заўтра ў Беларусі будзе да +35°С, але ў Мінску «ўсяго» +30°С3

Прынцэса Кейт Мідлтан наведае фінал Уімблдона ў нядзелю1

Міністарка спорту Францыі за два тыдні да Алімпіяды выкупалася ў Сене, ледзь не паслізнуўшыся на прыступках ВІДЭА1

Пазняк перакананы, што ў другім туры выбараў-1994 перамог бы Лукашэнку121

Месяцы карцару і два з паловай гады без сонца. Як малады мінчук прайшоў праз калонію і крытую турму5

больш чытаных навін
больш лайканых навін

Як за 20 кіламетраў ад Беларусі праходзіць фестываль Tutaka ШМАТ ФОТА1

Як за 20 кіламетраў ад Беларусі праходзіць фестываль Tutaka ШМАТ ФОТА

Галоўнае
Усе навіны →