Здарэнні22

«Легендарная яма. Дзед пра яе расказваў». У Маладзечне машына правалілася пад асфальт

Жыхары Маладзечна падзяліліся ў сацсетках відэа велізарнай ямы, якая ўтварылася на праезнай частцы на адной з вуліц горада і ў якую трапіла легкавая машына. Пярэдняе кола аўтамабіля правалілася пад размыты вадой асфальт, які абрынуўся. Што стала прычынай здарэння і чаму дарога прыйшла ў такі жахлівы стан, даведаўся Telegraf.news.

Аўтар відэа пакінуў велізарную прастору для фантазій каментатараў, паказаўшы толькі канкрэтнае месца здарэння. Астатнія абставіны, якія прывялі да таго, што машына апынулася ў дарожнай пастцы, удалося даведацца ўжо толькі з тлумачэнняў удзельнікаў і відавочцаў падзей, у таксама афіцыйных каментароў мясцовых чыноўнікаў.

@maladzechna

♬ оригинальный звук - Типичное Молодечно

Нягледзячы на ўражлівыя кадры, многія гледачы ў каментарах не былі здзіўлены ўбачаным, заявіўшы, што «на Лясных ніколі не было добрай дарогі, гадоў з 30 так дакладна».

«Легендарная яма, дзед пра яе расказваў», — напісаў адзін з каментатараў.

«Нічога дзіўнага, як рабілі, на столькі і хапіла!», — заявіў іншы.

Некаторых здзівіла толькі тое, што кіроўца не змог своечасова заўважыць такую велізарную яміну і на свой страх ды рызыку паспрабаваў яе пераадолець. Аднак у каментарах відавочцы растлумачылі, што кіроўца проста стаў закладнікам збегу абставін: сам інцыдэнт адбыўся ў цемрадзі, калі «бачная была толькі лужына на палову вуліцы», а самой ямы з-за вады было не відаць.

Пра тое, што ў гэтым месцы вымыла пясок, а асфальт праваліўся, кіроўца даведаўся толькі пастфактум.

Аказалася, што ў гэтым месцы прарвала трубу вадаправода. Пра гэта раённаму выданню «Маладзечанская газета» расказаў намеснік дырэктара мясцовага водаканала.

«1 лютага ў 22:40 ад жыхароў вуліцы Някрасава паступіла інфармацыя, што з-пад зямлі б'е фантан. Брыгада работнікаў нашай арганізацыі аператыўна выехала на месца, ацаніла сітуацыю і адразу ж прыступіла да працы. У асфальтавым пакрыцці ўтварылася расколіна, адкуль і біла вада. Спецыялісты водаканала перакрылі найбліжэйшы калодзеж, а небяспечнае для грамадзян і аўтамабіляў месца абгарадзілі папераджальнай стужкай. Работы вяліся ўсю ноч», — расказаў чыноўнік абставіны камунальнай аварыі.

Дарэчы, сам кіроўца ў выніку інцыдэнту не пацярпеў, а аўтамабіль выехаў з ямы сваім ходам. Падачу вады камунальныя службы аднавілі на наступны дзень.

На месцы размытага асфальту супрацоўнікі водаканала падсыпалі пяску, а калі ён усядзецца, паабяцалі «зрабіць падсыпку паўторна пры неабходнасці». Калі ж заменяць размыты асфальт, там не ўдакладнілі.

Каментары2

  • Ну
    04.02.2024
    Па Беларусі, мабыць, шмат такіх месцаў, дзе увогуле па дакумэнтах асфальт клалі не адзін раз, а яго там зусім няма.
  • Lesnik
    04.02.2024
    Совет ! Если попал колесом в яму и повредил автомобиль! Надо залить в эту яму воду вызвать ГАИ и сказать что не видел ! Если так не сделать попадёшь на ремонт . Кстати Я прожил там 30 лет , я удивлён терпению народа ! Дороги как стиральная доска , трауров почти нет, болота, грязь . Обязательные условия для ремонта дождь и снег битумом и гравием закидали и все. На вилы камунальник ! Сидел там чёрт уже забыл как фамилия .

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

EPAM і Wargaming заплацілі самыя вялікія падаткі сярод усіх літоўскіх IT-кампаній10

Спецпрадстаўнік ЗША: Санкцыі супраць Расіі працуюць «на 3 балы з 10», іх можна ўзмацніць14

Беларускую добраахвотніцу Марыю Зайцаву пахавалі на могілках у Кіеве ФОТА3

Ва Уруччы пабудуюць чатыры шматпавярховікі4

Мілы сабака на запраўцы, што радуецца любому чалавеку, скарае сацсеткі18

ЗВР Беларусі дасягнулі 9 мільярдаў даляраў7

Як тэлешоу дапамаглі знізіць колькасць разводаў у Паўднёвай Карэі3

Анастасія Нюфер з ЗША, вызваленая ў Беларусі ў дзень выбараў, апублікавала першае фота1

Два гомельскія кур‘еры забралі 100 тысяч у 87-гадовай жанчыны, кінулі куратара і пачалі салодкае жыццё5

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць