Грамадства33

«Начавалі абы-дзе, ледзь не ў пустыні». Маці эвакуяваных з Судана беларусаў расказала пра іхнюю сітуацыю

Сёння з'явілася паведамленне, што з палітычна нестабільнага Судана беларускае МЗС эвакуявала двух беларускіх грамадзян 28 і 17 гадоў. Як яны там апынуліся і чаму мусілі ўцякаць, БелТА расказала іх маці Вольга Агеева. Гэта двое з яе трох дзяцей — старэйшая дачка і малодшы сын.

«Я паехала ў 2000 годзе да мужа. Спачатку ў Арабскія Эміраты. Потым мы пераехалі жыць у Судан. Жыццё, вядома, там вельмі цяжкае, і фізічна цяжка было. Нарадзіліся ў мяне дзеці. Дачка ўжо была да таго часу. Яна скончыла медыцынскі каледж. А два хлопчыкі нарадзіліся там. Пачыналі з нуля. Ён — архітэктар, я — хатняя гаспадыня», — расказала жанчына.

Спачатку сям'я жыла ў сталічным Хартуме, а потым пераехала ў іншы буйны горад краіны. Муж беларускі працаваў у кіраўніцтве будаўнічай кампаніі. Аднак з цягам часу Вольгу Агееву падвяло здароўе, жанчына нават запала ў малярыйную кому амаль на тыдзень:

«Лекары з таго свету выцягвалі. Пасля гэтага я прыняла рашэнне з'ехаць. Дзяцей выгадавала. Забрала сярэдняга сына, і мы з'ехалі».

Старэйшая дачка і малодшы сын дзеля пэўных абставін заставаліся ў Судане. Цяпер ім, адпаведна, 28 і 17 гадоў.

«Дачка там засталася. Вучыцца трэба было ў медыцынскім. Гэта быў каледж, потым статус інстытута атрымаў. Чакала дакументы», — расказала беларуска.

Па словах Вольгі, апошнім часам у Судане пачалася поўнамаштабная вайна. Расія некаторы час таму з мэтай эвакуацыі высылала за сваімі грамадзянамі некалькі бартоў, была магчымасць вывезці і беларускіх грамадзян.

«17 грамадзян Беларусі таксама вывезлі. Я вельмі настойвала, каб і яны з'ехалі. Дачка сказала: «Мы баімся ехаць у Хартум, бо нас могуць падстрэліць па дарозе». Гэта 200 км па шашы. І вось яны засталіся, — падзялілася падрабязнасцямі Вольга Агеева. — А ў іх горадзе было спакойна сем месяцаў. А потым туды ўвайшлі гэтыя сілы хуткага рэагавання — яны па сутнасці рабункам займаюцца, бандытызмам і каменя на камені не пакідаюць. Ад Хартума, сталіцы, ужо нічога не засталося. Прыйшлі заваёўваць іншыя тэрыторыі. Я так зразумела».

«Мая сям'я сабралася з усім, што было ў іх там, са сваякамі. Усё кінулі. Пагрузіліся 12 чалавек у пазадарожнік, паехалі на поўнач краіны. Начавалі абы-дзе, ледзь не ў пустыні. У далёкага сваяка мужа ў горадзе Вадзі-Хальфа ёсць дом, там іх прытулілі. Яны спрабавалі неяк выехаць у Егіпет. Ужо проста паўстала пагроза для жыцця. Егіпцяне адмовілі. Сказалі чакаць 6 месяцаў.

Тады маё цярпенне лопнула і я звярнулася ў амбасаду ў Каіры. І Мікіта (беларускі консул. — Заўв. БелТА) — вельмі добры чалавек, ён проста адразу ўзяўся дапамагаць маім дзецям. Усё зрабіў пісьменна. Выехаў да іх туды на мяжу на КПП. Двое сутак з імі правёў, іх там не кінуў. Аж да таго, што яны начавалі ў яго ў машыне, пакуль вырашаліся бюракратычныя пытанні».

У Маскве дзяцей Вольгі Агеевай сустрэла яе стрыечная сястра, і неўзабаве яны прыедуць у Беларусь. Наперадзе, вядома, яшчэ шмат клопатаў.

«Планы пакуль расплывістыя. Дачка хоча працаваць лекаркай. Трэба неяк будзе легалізаваць дакументы. Чым зоймецца малодшы — пакуль пад пытаннем. Школа ў яго не скончаная — 17 гадоў. Рускую яны ведаюць на размоўным узроўні. Пытанняў шмат», — прызнаецца беларуска. 

Чытайце таксама:

СМІ апублікавалі відэа, на якіх, як сцвярджаецца, украінскі спецназ палюе на вагнераўцаў у Судане

«Дзеці крычалі ўслед: «Нігер-нігер…» Як жывецца ў Магілёве інтэрнацыянальнай пары

Былы актывіст «Альтэрнатывы» п'яным патануў у Турцыі. І навёў блытаніны, выдаючы сябе за падпалкоўніка-путчыста

Каментары3

  • Пытанне
    03.02.2024
    Что движет этими женщинами когда они выходят замуж за арабов, турков и уезжают туда жить?
  • Валера
    03.02.2024
    Пытанне, что движет которые в РБ за колхозников выходят
  • Пытанне
    04.02.2024
    Валера, спрасі ў сваёй жонкі)

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →