Свет44

У нападзе на Ізраіль удзельнічала 190 супрацоўнікаў ААН — зліты дакумент разведкі

Агенцтва Reuters атрымала доступ да закрытай справаздачы разведкі Ізраіля, дзе напісана пра ўдзел у нападзе ХАМАС на Ізраіль каля 200 супрацоўнікаў агенцтва ААН па справах палесцінскіх бежанцаў (UNRWA, ці БАДАР). Згодна з дакументам, некаторыя супрацоўнікі былі непасрэдна ў шэрагах баевікоў.

Палесцінская жанчына з шалікам з эмблемай ХАМАС на фоне офіса Блізкаўсходняга агенцтва ААН для дапамогі палесцінскім бежанцам і арганізацыі работ (UNRWA, ці БАДАР). Фота: Khalil Hamra / AP

Як сказана ў матэрыялах афіцыйнага расследавання Ізраіля, здабытых разведкай, у поўнамаштабным нападзе на краіну 7 кастрычніка мінулага года ўдзельнічалі як мінімум 190 супрацоўнікаў БАДАР, частка з якіх была непасрэдна ў шэрагах баевікоў тэрарыстычных груповак ХАМАС і Ісламскага Джыхада.

Закрыты дакумент быў перададзены агенцтву Reuters крыніцай на ўмовах ананімнасці з адзнакай, што гэтыя матэрыялы ўжо былі перададзеныя ЗША Ізраілем і паўплывалі на рашэнне цэлага шэрагу краін Захаду спыніць фінансаванне БАДАР. 

У дакуменце асобна пазначаныя 11 супрацоўнікаў БАДАР, якія з'яўляюцца настаўнікамі і сацыяльнымі работнікамі. У справаздачы ёсць іх фатаграфіі.

  • Адзін з іх працаваў у школе і дапамагаў сыну ў выкраданні мірнай жыхаркі падчас нападу на Ізраіль.
  • Іншы супрацоўнік БАДАР абвінавачваецца ў перавозцы трупа афіцэра ізраільскага войска, а таксама каардынацыі перамяшчэння тэхнікі баевікоў і размеркавання паміж імі зброі.
  • Яшчэ адзін быў заўважаны ў ізраільскім паселішчы (кібуцы) Беэры, дзе быў забіты кожны дзясяты мірны жыхар.

Акрамя гэтага, паводле ізраільскай разведкі, адзін з супрацоўнікаў БАДАР удзельнічаў у разні на музычным фестывалі ў Рэіме, дзе былі забітыя і закатаваныя больш за 360 чалавек, перадае Reuters.

Нагадаем, што выяўленне афіцыйным расследаваннем у Ізраілі фактаў удзелу супрацоўнікаў БАДАР у нападзе на краіну выклікала вялікі і сур'ёзны скандал вакол ААН. 

Такія краіны, як ЗША, Канада, Вялікабрытанія, Швейцарыя, Францыя, Германія, Італія, Фінляндыя, Нідэрланды, Японія і Аўстралія цалкам спынілі фінансаванне БАДАР, што пагражае арганізацыі калапсам.

У адказ на выстаўленыя абвінавачванні кіраўніцтва БАДАР адразу абвясціла, што разрывае кантракты з супрацоўнікамі, якія ўдзельнічалі ў нападзе. Пры гэтым яно адзначыла, што «шакаванае масавым прыпыненнем фінансавання ўсёй арганізацыі толькі з-за дзеянняў некаторых яе членаў».

На думку БАДАР, яе фінансавы байкот можа прывесці да непапраўных ахвяр сярод палесцінскага мірнага насельніцтва ва ўмовах ваеннай аперацыі Ізраіля ў Газе. Арганізацыя заявіла, што спрабуе забяспечыць гуманітарнай дапамогай прыкладна 1,7 мільёнаў палесцінцаў — амаль тры чвэрці насельніцтва ўсёй Газы.

Каментары4

  • Разагнаць
    29.01.2024
    "Усе ў сад!"
  • Габрэй
    29.01.2024
    Гэтых тэрарыстаў яшчэ не разагналі?
  • За Свабоду!
    30.01.2024
    Воля, ідзі адсюль антысеміцкі бот, тут фашыстам не падаюць, ні рускамірскім, ні антысеміцкім.

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму2

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Усе навіны →
Усе навіны

Зорка тыктоку Ліза Ветрава закрывае свой папулярны блог пра беларускую мову18

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў63

Рэдактар глыбоцкай раёнкі напісаў пра смецце ў горадзе, а пасля зразумеў, што падыгрывае «ворагам»14

«Яны кругласутачна стаяць?» На Нямізе людзі выстраіліся ў аграмезную чаргу — вось навошта ВІДЭА20

Кіеў атакаваў нейкі таямнічы дрон-камікадзэ. Што за ён?1

Былая беларуская спартсменка ўжо другі раз за жыццё памяняла спартыўнае грамадзянства9

Былы палітвязень спаліў свой беларускі пашпарт ВІДЭА22

Прарасійская актывістка абурылася, што не можа апублікаваць фота з бел-чырвона-белым сцягам5

На Растоўскай АЭС адбыўся выбух і Расію накрыла хваля радыяцыі? Паспрабавалі разабрацца1

больш чытаных навін
больш лайканых навін

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму2

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Галоўнае
Усе навіны →