Напярэдадні вынясення прысуду башкірскаму актывісту стаў недаступны канал, які асвятляў пратэсты ў Башкірыі
У тэлеграме стаў недаступны канал «Куштау Байрам», які асвятляў пратэсты супраць суду над башкірскім актывістам Фаілем Алсынавым, заўважыла Sota. Прысуд Алсынаву перанеслі на 17 студзеня.
Алсынаў зʼяўляецца адным з лідараў нацыянальнага руху башкіраў і актыўна выступаў супраць здабычы золата ў рэгіёне ў 2023 годзе.
Як лічыць следства, у красавіку на адной з акцый ён, прамаўляючы на башкірскай мове, выказаўся супраць мігрантаў, якія працавалі на капальнях, мовай варажнечы. Актывісты ж настойваюць, што пераклад прамовы, які быў прадстаўлены ў судзе, наўмысна сказілі.
Алсынава абвінавацілі ў экстрэмізме, пракурор запытаў для яго 4 гады калоніі-пасялення.
Некалькі тысяч чалавек сабраліся 15 студзеня каля суда ў горадзе Баймак. Прысуд у выніку быў перанесены на 17 студзеня.
Адным з апошніх пастоў на канале «Куштау Байрам» быў заклік прыходзіць заўтра да суда.
На працягу сённяшняга дня башкірскія ўлады рабілі спробы знізіць заўтрашнія пратэсты: запавольвалася праца «Укантакце» і WhatsApp, заблакаваныя іншыя тэлеграм-каналы, таксама быў затрыманы шэраг актывістаў, піша Sota.
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»29
«Паглядзіце, што нарабілі мужчыны». Марына Ментусава — пра жанчын, што выратуюць свет, працу ў Расіі, асабістае жыццё і «Обычное утро»
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі1010
Каментары