«Усё выглядала так, быццам бы я не выйшла да машыны». Мінчанка расказала пра дзіўны выпадак з таксі
Алена падзялілася непрыемным досведам, звязаным з замовай таксі.
«Вярталася з гасцей з сабакам, — паведаміла яна журналісту Onlíner. — Ехаць трэба было з Фрунзенскага раёна ў Першамайскі (прыкладны час у шляху — 23-27 хвілін)». Пасля выкліку машыны пачаліся праблемы.
«Выклікала таксі (опцыю «з гадаванцам» абрала), — распавяла дзяўчына. — Заказ прыняты, час чакання — 8 хвілін. Тады ж паступіў званок ад кіроўцы. Ён сказаў, што чалавек, якога ён зараз вязе, абраў прамежкавую кропку, таму час чакання складзе 20 хвілін. Я пагадзілася пачакаць, а кіроўца паабяцаў набраць, калі будзе пад'язджаць».
Аднак, па словах Алены, праз нейкі час пачаўся зваротны адлік бясплатнага чакання, якое затым ператварылася ў платнае.
«Праз 25 хвілін прыйшло паведамленне, што кіроўца адмяніў заказ, — завяршыла гісторыю чытачка. — Пры гэтым, мяркуючы па карце, ён быў за некалькі кварталаў ад мяне. Усё выглядала так, быццам бы я не выйшла да машыны. Банкаўская карта да акаўнта прывязаная не была, таму нічога не спісалася».
Невядома, чаму кіроўца вырашыў уключыць рэжым чакання, знаходзячыся так далёка ад патрэбнай кропкі. Калі ён хацеў адразу адмяніць заказ, то незразумела, чаму так доўга цягнуў час.
Наколькі вядома, калі рэжым чакання актыўны, адмена замовы з боку кліента прывядзе да спісання невялікай сумы з прывязанай да яго акаўнта карты (у дадатак да кошту платнага чакання, калі яна ёсць).
Як склалася жыццё вундэркінда з Жодзіна, які ў 12 гадоў паступіў у медыцынскі ўніверсітэт?5
Каментары