Хлопец зняў тыкток, як адрозніць беларуса. Гэтую рысу вы дакладна ведаеце
Стэндапер Яўген Буракевіч апублікаваў кароткі ролік пра асаблівасць большасці беларусаў. Відэа ў тыктоку сабрала 837 тысяч праглядаў.
У відэа хлопец стаіць на перакрыжаванні з вуліцай Камуністычнай у Мінску і чакае, пакуль на светлафоры загарыцца зялёнае святло. Гэта вечар ці ноч, вакол — ніводнага чалавека, машын таксама няма, але беларус паслухмяна чакае, калі загарыцца правільнае святло.
Подпіс да роліка — «заўсёды так раблю». А ў самім відэа стэндапер апісвае сітуацыю так: «Як сказаць, што ты беларус, не кажучы ні слова».
Некаторыя з каментатараў пагаджаюцца:
«Гэта ў нас у крыві і на ўзроўні рэфлексу».
«У нас проста добрае выхаванне».
«Усё правільна, парадак трэба пачынаць з сябе».
«Пераехала ў Беларусь 5 гадоў таму, таксама панабралася падобнага».
«Так! Былі ў Мінску першы раз і я была ў шоку, як людзі стаяць і не пераходзяць на чырвонае, нават калі нікога навокал няма, мы ў Маскве не змаглі б так».
Такая рыса натхняе не ўсіх. Частка людзей лічаць, што можна было б быць і больш практычнымі:
«Таму што мы цярпілы ўсе».
«Мяне ўсе сябры за гэта ненавідзяць».
Знайшліся і выключэнні:
«Я на чырвонае іду, нават калі машыны едуць, хаця я і беларус».
Адкуль такое імкненне да правільнасці? Нехта напісаў у каментары, што яму фізічна робіцца балюча, калі ён пераходзіць на чырвонае. Іншыя каментатары згадваюць выпадкі, калі яны смела пераходзілі пустую дарогу на чырвонае, і раптам аднекуль з’яўляліся міліцыянты або даішнікі.
Адна каментатарка расказвае, што яе сябар-італьянец таксама пераходзіць дарогу на зялёнае, што сярод італьянцаў сустракаецца рэдка. Некалі гэты чалавек жадаў перабегчы дарогу на чырвонае, але яму перагарадзіў дарогу палачкай стары чалавек і спытаў: «Сынок, а калі цябе з акна пабачыць дзіця? Блага так рабіць!» З тых часоў італьянец абірае толькі правільнае святло.
«Наша Нiва» — бастыён беларушчыны
ПАДТРЫМАЦЬЧытайце таксама:
У Крыжаноўскага згубілася котка. Навагоднюю ноч яна правяла на вуліцы
Як надзейна пачысціць акаўнт у TikTok — падрабязны гайд
Беларус трапіў у страшную аварыю. Каханая дапамагае яму аднавіцца — за іх гісторыяй сочаць тысячы
Маладую супрацоўніцу «Пеленга» арыштавалі за «заклікі да нанясення шкоды Беларусі». Ёй пагражае да 12 гадоў3
Каментары