Грамадства99

Галасуе ў «Аднакласніках» у апытаннях пра Украіну, жонка была прадаўцом. Пяць фактаў пра новага міністра эканомікі

Новым міністрам эканомікі Лукашэнка прызначыў Юрыя Чабатара, якому забараніў хлусіць. Што вядома пра чыноўніка?

Юрый Чабатар. Фота: economy.gov.by

Працаваў з расійскімі інвестарамі

Юрый Чабатар выконваў абавязкі міністра эканомікі з лістапада 2023 года, калі яго папярэднік Аляксандр Чарвякоў быў адпраўлены Лукашэнкам паслом у Кітай.

Юрый Чабатар віншуе калегаў з Новым годам. Фота: economy.gov.by

У ведамстве Чабатар адказваў за імпартазамяшчэнне, а таксама працаваў з расійскімі інвестарамі. У сваіх інтэрв'ю ён казаў пра «індывідуальны падыход у працы з расійскімі рэгіёнамі».

«Мы разлічваем, што рэалізацыя сумесных праектаў у рамках праграмы «Беларусь — Расія» дасць магчымасць узмацніць інтэграцыю нашых рэгіёнаў, развіваць і ўмацоўваць іх вытворчы, лагістычны, дэмаграфічны і сацыяльны патэнцыялы», — казаў ён летась у чэрвені.

У лістападзе на беларускім інвестыцыйным форуме ў Маскве чыноўнік даводзіў, што «сёння інвестклімат краіны гатовы мяняцца пад запыты расійскіх партнёраў».

У Міністэрстве эканомікі — 21 год

Юрый Чабатар нарадзіўся ў Мінску ў 1979 годзе. Вучыўся ў Серабранцы ў школе № 123.

Ён выпускнік улікова-эканамічнага факультэта Беларускага дзяржаўнага эканамічнага ўніверсітэта (2002 год).

Як і большасць чыноўнікаў, якія імкнуцца зрабіць у цяперашняй дзяржаўнай сістэме кар’еру, мае дыплом Акадэміі кіравання (2008).

З міністэрствам эканомікі Чабатар звязаны з 2002 года. Ён пачынаў малодшым навуковым супрацоўнікам навукова-даследчага эканамічнага інстытута Міністэрства эканомікі. Пасля працаваў у розных аддзелах ведамства. У 2016-м стаў намеснікам міністра.

Юрый Чабатар з Раманам Галоўчанкам. Фота: economy.gov.by

У разгар перадвыбарчай кампаніі 2020 года ён перасеў у крэсла першага намесніка міністра эканомікі.

У 2015 годзе Юрый Чабатар быў узнагароджаны медалём «За ўклад у стварэнне Еўразійскага эканамічнага саюза». А ў 2023-м прэм’ер Раман Галоўчанка ўручыў яму медаль «За працоўныя заслугі».

Удзельнічаў у апытаннях пра Украіну ў «Аднакласніках»

Юрый Чабатар з 2011 года мае акаўнт у сацыяльнай сетцы «Аднакласнікі». Яна поўніцца пераважна віншаваннямі. На застаўцы фота з вясёлым чыноўнікам на нечым вяселлі.

Юрый Чабатар адпачывае. Фота: сацыяльныя сеткі

У 2012 годзе ён пахваліўся фотаздымкам з савецкім ГАЗам і пракаментаваў яго «Вперед! На целину».

Пасля поўнамаштабнага ўварвання Расіі ва Украіну Чабатар прагаласаваў у апытанні, прымеркаваным да прызнання Пуціным незалежнасці «ДНР» і «ЛНР». Пытанне было, ці сочыце вы за падзеямі ва Украіне. Як адказаў чыноўнік, не бачна.

Удзел Юрыя Чабатара ў апытанні аб вайне ва Украіне. Фота: скрын з сацыяльнай сеткі

Жонка прадавец

Паводле звестак са старонкі чыноўніка ў сацыяльнай сетцы, яго жонка Кацярына Чабатар, у дзявоцтве Бода, працавала прадаўцом на Мінскім аўтамабільным заводзе. Яна выпускніца Мінскага гандлёвага каледжа.

Кацярына таксама рабіла прадаўцом у Старых Дарогах, піша «Радыё Свабода» на падставе звестак ад «Белпол».

Сям’я жыве ў мікрараёне Каменная Горка ў Мінску, гадуе дваіх дзяцей-школьнікаў.

Бацька — інжынер, маці — філолаг з Інстытута мовазнаўства

Як даведалася «Радыё Свабода», бацька чыноўніка Адам Чабатар працаваў вядучым інжынерам-канструктарам на ААТ «КБТЭМ-ОМА». Прадпрыемства займаецца распрацоўкай спецыяльнага оптыка-механічнага, тэхналагічнага і кантрольна-вымяральнага абсталявання.

Маці Юрыя Чабатара Надзея Андрэеўна працавала ў Інстытуце мовазнаўства НАН. Яна сумесна з Ганнай Арашонкавай склала «Тлумачальны слоўнік адметнай лексікі ў творах Якуба Коласа». Таксама ў яе шмат іншых публікацый, прысвечаных розным аспектам мовы Якуба Коласа.

Па прызначэнні на міністэрскую пасаду Чабатар заявіў, што эканоміка адаптуецца да цяперашніх выклікаў і складанасцяў, дзякуючы рашэнням Лукашэнкі і ўраду.

Паводле новапрызначанага міністра, у перыяд электаральнай кампаніі 2024 года Міністэрства эканомікі павінна гучаць, выходзіць з ініцыятывамі.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

Ніводзін беларускі рэгіён не выканаў мэтавых паказчыкаў — Галоўчанка

Галоўчанка заключыў пагадненне аб гуманітарнай дапамозе Данбасу

Міністэрства эканомікі: Беларусь можа страціць 20 млрд даляраў у выніку санкцый ЕС

Што Беларусі выгадней эканамічна — імкнуцца ў ЕС або заставацца ў саюзе з Расіяй?

Каментары9

  • Вася
    04.01.2024
    Я давно заметил, ещё с советских времён, по верховному совету БССР, что они все очень похожи. Как братья. Одинаковая  ширина лица, одутловатость, мешки под глазами....
     Это все дети тех, советских, или просто сформировалась такая общность внутри этноса, порода, отдельная ветвь?
  • ну так
    04.01.2024
    так тольки дурань идзе у банду самастойна
  • Всё понятно
    04.01.2024
    Обыкновенный, среднестатистический мамлюк русского мира из белорусов.
    Советую проанализировать все указы незаконного лукашенко о подготовке к уходу и прописыванию, для себя и своей семьи, гарантии.
     Все, его указы, поправки в конституцию, - о уютном и обеспеченном семейном гнезде, с сохранением контроля над холопами, - договор с путиным в обмен сдачи Беларуси России на собственные, личные гарантии - сохранение бизнесов, имущества, наворованного, счетов, неподсудность, всё, перечисленное, может гарантировать только Россия, ведь только она признала незаконный захват власти и самопровозглашения себя президентом в 2020 году.
     Отсюда и вся "кадровая" политика, после 2020 года, - назначение на госдолжности сплошь русских шовинистов, русских имперцев и мамлюков с янычарами из своих.

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →