Усяго патроху22

Аказваецца, мандарыны можна вырасціць у хатніх умовах

Для пачатку трэба адабраць спелыя плады.

Калі хочацца стаць уладальнікам прыгожага пакаёвага дрэўца, але нашы кліматычныя ўмовы неспрыяльныя, то расліну можна вырасціць і ў хатніх умовах, піша «Звязда».

У прыродзе немагчыма сустрэць дзікарослы мандарын, бо гэта расліна патрабуе спецыяльнага догляду. У натуральных умовах дрэва вырастае да 4 метраў у вышыню. Цвіце мандарын дробнымі белымі кветкамі, якія самі апыляюцца. Пасля скідвання адцвілых пялёсткаў на расліне з`яўляюцца завязі будучых пладоў, якія дасягнуць спеласці прыкладна за 6 месяцаў. Некаторыя віды мандарынавага дрэва могуць цвісці круглы год. Для хатняга вырошчвання лепш выбраць адзін з сартоў карлікавых мандарынаў.

З чаго пачаць

Для пачатку трэба адабраць спелыя плады. З іх дастаць костачкі, пры гэтым варта ўлічваць, што прарастуць не ўсе. Насенне лепш замачыць, для чаго трэба ўзяць неглыбокую ёмістасць і натуральную тканіну. Тканіну добра змочваюць і загортваюць у яе насенне, каля 2—3 пластоў будзе дастаткова.

Па меры высыхання тканіны з насеннем у ёмістасць трэба дадаваць ваду, пакуль насенне не набрыняе і не дасць першыя парасткі. Гэты працэс займае звычайна некалькі дзён.

Высаджваць мандарыны трэба ў спецыяльны грунт для цытрусавых раслін. Прарослае насенне заглыбляюць у глебу на 5—6 см.

Догляд

Тры рэгулярныя дзеянні: паліў; унясенне угнаенняў; перасадка.

Мандарын, як вядома, расліна цеплалюбівая, таму тэмпература навакольнага асяроддзя не павінна апускацца ніжэйшая за 15—18 градусаў.

Што да асвятлення, то ў асабліва гарачыя перыяды пакаёвы мандарын лепш прыцяняць, каб прамыя сонечныя прамяні не траплялі на лістоту. Узімку ж трэба павялічыць даўжыню светлавога дня да 12 гадзін, для чаго раніцай і ўвечар над раслінамі ўключаюць люмінесцэнтныя лямпы.

Улетку карысна выстаўляць мандарыны на свежае паветра.

З-за актыўнага росту і развіцця каранёвай сістэмы мандарын трэба кожны год перасаджваць у большы чыгун. На чацвёрты год дрэва перамяшчаюць у драўляную дзяжу, у якой мандарын можа жыць некалькі гадоў. Перасадку лепш за ўсё рабіць ранняй вясной.

Паліваць мандарын неабходна кожны дзень, а ў зімовы перыяд — зніжаць частату паліву да 2-3 раз на тыдзень. 

Паліў праводзяць раніцай, пры гэтым ваду акуратна выліваюць на глебу, трэба сачыць, каб вада не трапіла на лісце і ствол, якія варта раўнамерна апырскваць. Пры цвіценні дрэва крону перастаюць апырскваць, бо важна, каб бутоны заставаліся сухія.

У зімовы сезон уносіць угнаенні няма неабходнасці, першы раз у годзе ўгнойваць дрэва мандарына трэба ў красавіку, і далей аж да наступнай зімы — кожныя два тыдні.

Мандарынам выдатна падыходзяць комплексныя і спецыяльныя ўгнаенні для цытрусавых раслін. Уносяць іх пасля паліву. Перад утварэннем пладоў можна зрабіць падкорм рыбнай юшкай. З 200 грам дробнай рыбы і двух літраў вады вараць юшку на працягу 30 хвілін, пасля чаго працэджваюць і ў сумесі з любым комплексным угнаеннем уносяць у глебу. Як ні дзіўна, але такая рыбная падкормка дазваляе ўзмацніць плоданашэнне.

Каментары2

  • Жора
    05.01.2024
    Так і не зразумеў, колькі той мандарын трэба чакаць, пакуль вырасце. Даўжэй, чым пашпартоў Новай Беларусі? Ці каля таго?
  • асабліва
    05.01.2024
    Лухта нейкая. Дзічкі ня родзяць -- спрабаваў асабіста. Трэба прышчэпкі рабіць ці купляць адмыслова сартавыя ў гаршках.

«У нас фобія жывой камунікацыі. А сэкс менш важны, чым для мінулых пакаленняў». Зумеры адказваюць на прэтэнзіі да свайго ладу жыцця

«У нас фобія жывой камунікацыі. А сэкс менш важны, чым для мінулых пакаленняў». Зумеры адказваюць на прэтэнзіі да свайго ладу жыцця

Усе навіны →
Усе навіны

Apple можа здаць прыватныя даныя ўсіх сваіх карыстальнікаў у свеце спецслужбам Вялікабрытаніі. Гэта можа стаць небяспечным прэцэдэнтам4

Неабходныя грошы на патрэбы Паліны Шарэнды-Панасюк сабралі за некалькі гадзін5

Трамп запатрабаваў закрыць USAID за «карупцыю»8

Нашчадкі готаў і фіна-вуграў нават больш, чым меркавалася. Што насамрэч у генах беларусаў і літоўцаў?46

Жахлівая гісторыя ў «Мінск-Свеце»: сабака на двары напароўся на шампур, гаспадыня лічыць, што яго ўваткнулі наўмысна1

Што рабіць, калі ваш тэлефон упаў у шахту ліфта?5

Беларускія астравы, пра якія вы маглі не ведаць2

Зяленскі расказаў, як бачыць «здзелку» з Трампам па карысных выкапнях9

У Пецярбургу музыка выкінуўся з 10-га паверха, калі да яго прыйшлі з ператрусам за «фінансаванне УСУ»7

больш чытаных навін
больш лайканых навін

«У нас фобія жывой камунікацыі. А сэкс менш важны, чым для мінулых пакаленняў». Зумеры адказваюць на прэтэнзіі да свайго ладу жыцця

«У нас фобія жывой камунікацыі. А сэкс менш важны, чым для мінулых пакаленняў». Зумеры адказваюць на прэтэнзіі да свайго ладу жыцця

Галоўнае
Усе навіны →

Заўвага:

 

 

 

 

Закрыць Паведаміць