З расійскага вайскоўца спагналі $150 тысяч за тое, што ён разбіў ЗРК «Панцыр» аб чыгуначны мост у Пецярбургу
Інцыдэнт адбыўся ў ноч на 1 ліпеня 2023 года.
Санкт-Пецярбургскі гарнізонны ваенны суд задаволіў пазоў Мінабароны да камандзіра зенітнай ракетна-артылерыйскай батарэі, які разбіў баявую машыну аб чыгуначны мост, і спагнаў з яго 14 мільёнаў расійскіх рублёў.
Інцыдэнт адбыўся ў ноч на 1 ліпеня 2023 года. Камандзір, імя якога не называецца, не склаў аўтаномнага аптычнага паста (ён прызначаны для пошуку цэлі) баявой машыны, якая праязджала пад чыгуначным мостам на Пулкаўскай шашы, у выніку чаго ваенная тэхніка атрымала пашкоджанні.
Гаворка ідзе пра зенітна-ракетным комплекс «Панцыр-С».
Камандзіру выставілі крымінальны артыкул аб знішчэнні або пашкоджанні ваеннай маёмасці па неасцярожнасці. Па ёй суд аштрафаваў яго на 50 тысяч рублёў (550 даляраў), а таксама задаволіў грамадзянскі пазоў Мінабароны, па якім з ваеннага спагналі 13,9 мільёна рублёў (на сёння гэта 152 тысячы даляраў).
У базе суда «Медуза» знайшла толькі адну справу паводле артыкула аб знішчэнні або пашкоджанні вайсковай маёмасці. Абвінавачаным па ёй праходзіць Віталь Мацвяйчук. Справа паступіла ў суд 9 лістапада, прысуд па ёй быў вынесены 7 снежня. Ці ідзе гаворка пра гэтага камандзіра, невядома.
Пры вынясенні прысуду суд улічыў у якасці змякчальных абставінаў наяўнасць у вайскоўца малалетняга дзіцяці і маці з інваліднасцю, якой ён дапамагае, а таксама яго раскаянне і службу ў Сірыі, у складзе кантынгенту ААН у Афрыцы і ўдзел у вайне ва Украіне.
-
«Чаша перапоўнена». Кандыдат у канцлеры Германіі прапанаваў жорсткі план па барацьбе з нелегальнай міграцыяй
-
Справу расійскага палітолага Суздальцава аб паклёпе на Лукашэнку вярнулі на даследаванне ў пракуратуру
-
На «Еўрабачанне» ад Ізраіля паедзе дзяўчына, якая выжыла падчас нападу ХАМАС на фестываль Nova
Для КДБ пабудуюць асобную бальніцу на VIP-узроўні8
Каментары