Еўрапейскі суд прызнаў дзеянні УЕФА па блакіроўцы Суперлігі незаконнымі. Гэта можа цалкам змяніць футбольны ландшафт
Рашэнне можа стаць паваротным у спорце і прывесці да стварэння яшчэ аднаго еўракубка.
Сёння, 21 снежня, адбыўся суд паміж Суперлігай і УЕФА. Прадметам спрэчкі было выключнае права УЕФА на правядзенне спаборніцтваў з удзелам еўрапейскіх клубаў. Суперліга ў асобе Фларэнціна Перэса («Рэал»), Жаана Лапорты («Барселона») і кіраўнікоў «Ювентуса» хацела адваротнага, каб турніры мог праводзіць нехта яшчэ.
Цяпер толькі УЕФА мае магчымасць праводзіць еўракубкі. Арганізацыя працуе ў прававым полі, якое, па сутнасці, сама ж і стварыла. Раней Суперліга ўжо спрабавала стаць новым гульцом на гэтым полі, але амаль усе клубы з яе выйшлі — каб пазбегнуць санкцый ад УЕФА.
Сёння Еўрапейскі суд прызнаныў дзеянні УЕФА і ФІФА незаконнымі.
«У арганізацый няма манаполіі на правядзенне клубных спаборніцтваў у Еўропе: цяпер Суперліга афіцыйна можа быць створана ў адпаведнасці з Еўрапейскім законам», — гаворыцца ў рашэнні суда.
Еўрапейская Суперліга будзе запушчана праз 18 месяцаў, паведамляе іспанскі інсайдар Хаакін Марота.
Зараз УЕФА праводзіць тры еўракубкі: Лігу чэмпіёнаў, Лігу Еўропы і ўжо трэці год Лігу канферэнцый. Прычым з наступнага года Ліга чэмпіёнаў пройдзе ў новым фармаце. У групавым турніры будзе 36, а не 32 камандаў і будуць гуляць яны па швейцарскай сістэме.
***
Аб стварэнні Суперлігі Еўропы было абвешчана ў пачатку красавіка 2021 года. Клубамі-заснавальнікамі выступілі англійскія «Манчэстэр Юнайтэд», «Манчэстэр Сіці», «Ліверпуль», «Чэлсі», «Арсенал», «Тотэнхэм», іспанскія «Барселона», «Рэал», «Атлетыка», «Ювентус», «Інтэр» і «Мілан». Прэзідэнтам лігі стаў Фларэнціна Перэс, які займае аналагічную пасаду ў «Рэале».
Аднак адразу клубы сутыкнуліся з хваляй негатыву як з боку іншых клубаў, так і з боку фанатаў, кіраўнцітва сваіх лігаў, а УЕФА таксама адразу паабяцала прымяніць санкцыі і да іх гульцоў, у прыватнасці, забараніць выступаць за зборныя, і праект Суперлігі тады быў прыпынены.
Каментары