Грамадства1111

Перад студэнтамі мінскага ВНУ выступіў «герой СВА». Аказалася, што гэта прафесійны «ряженый»

У мінскім філіяле Расійскага дзяржаўнага сацыяльнага ўніверсітэта ў пачатку снежня прайшла сустрэча студэнтаў і «людзей, на якіх трэба раўняцца і браць прыклад». Да гэтых людзей пільна прыгледзеўся Reform.by і выявіў цікавыя рэчы.

Сярод прысутных гасцей у вайсковай форме з нашыўкамі быў заўважаны жыхар расійскага Кургана Аляксандр Пылкоў, прадстаўлены ў прэс-рэлізе РДСУ як «педагог-арганізатар Цэнтра развіцця сучасных кампетэнцый рэгіянальнага цэнтра патрыятычнага выхавання, кіраўнік аўтаномнай некамерцыйнай арганізацыі «Цэнтр патрыятычнага выхавання «Добрая зямля».

Выступаў Пылкоў перад студэнтамі як баявы афіцэр, удзельнік «спецыяльнай ваеннай аперацыі» (такім эўфемізмам расійскія і лукашэнкаўскія прапагандысты і афіцыйныя асобы называюць развязаную Расіяй вайну ва Украіне). 

Насамрэч, як высветліў Reform.by, хоць гэты чалавек сапраўды заязджаў на фронт, але ягоны ўдзел у вайне быў хутчэй для набыцця адпаведнага радка ў біяграфіі. У сярэдзіне лютага 2023 года, як Пылкоў сам гаворыць у адным з інтэрв'ю, ён паехаў добраахвотнікам у казачую брыгаду «Дон» батальёна «Енісей», адкуль зняў ролік, які расчуліў нават топавую прапагандыстку Маргарыту Сіманьян.

Праз месяц пасля публікацыі роліка Пылкова прызначылі зампалітам і кіраўніком прэс-службы батальёна, і пасля таго ён займаўся на Данбасе збольшага суправаджэннем прапагандыстаў ды здыманнем ролікаў для тыктока. А ўжо ў сярэдзіне мая 2023 года ягоная «вайсковая кар'ера» скончылася.

Яшчэ перад тым Алякасандр Пылкоў займаўся зборам ахвяраванняў для вайскоўцаў праз сваю арганізацыю «Добрая зямля», называючы сябе кашавым атаманам і форсячы ў казачым адзенні.

Але для гераічнага вобразу і вялікіх бюджэтаў не хапала толькі рэальнага ўдзелу ў вайне, праблема з чым была вырашана праз вышэйзгаданае трохмесячнае турнэ.

Цяпер для прафесійнага «ряженого» адчыненыя ўсе дзверы, яго часта запрашаюць на сустрэчы з моладдзю і пенсіянерамі. Прытым на адной з сустрэч ён нават выдаваў сябе за дэпутата Дзяржаўнай думы.

Прага да збору грошай нібыта на дабрачыннасць у Пылкова праявілася задоўга да пачатку поўнамаштабнай вайны, яшчэ ў 2019 годзе. Ён збіраў грошы на ўсё: пачынаючы ад сацыяльна-рэабілітацыйнага цэнтра для непаўналетніх, заканчваючы пенсіянерамі. Але сапраўдную залатую жылу Аляксандр адкрыў 24 лютага 2022 года — менавіта тады ён цалкам пераарыентаваўся на збор сродкаў для вайны з Украінай. 

Каментары11

  • Paliašuk
    17.12.2023
    Тыповы сын лейтэнанта Шміта. Толькі не кАшавы, а кЭшавы атаман.
  • Ёсік
    17.12.2023
    У якой нармалёва краіне такое магчыма? Усялякія ёлупні едуць і засіраюць глузды беларусам. Улады, вы разумееце, што ўхваляеце вайну, якую расея вядзе супраць Украіны, супраць славян?
  • Лол.
    17.12.2023
    Норм чувак. Чем больше он соберет,тем меньше доедет до фронта. Пускай он себе лучше хатку построит на эти деньги.

Немец, прысуджаны да расстрэлу, датычны да дыверсій? Вось што за гісторыя гэта магла быць3

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных17

«Па выхадных нават чэргі». У Мінску адкрылася «касмічная» зона адпачынку з бясплатным вяровачным гарадком

У Львове стралялі ў палітыка Ірыну Фарыён. Яна ў крытычным стане18

МЗС Германіі пацвердзіў інфармацыю пра смяротны прысуд свайму грамадзяніну ў Беларусі5

Кіраўнік «Белсата» адказаў на абвінавачанні ў фінансавых злоўжываннях на канале

Заснавальнік Яндэкса даў першае інтэрв’ю пасля ўцёкаў з Расіі. Прызнаў свае памылкі10

У Ваўкавыску затрымалі маці і цётку анархіста Францкевіча. Яны прывезлі палітвязню перадачу4

Пра што маўчаў Пётра Сергіевіч2

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць3

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →