Відэа з'явілася ў асабістым акаўнце сабакі ў тыктоку. І ў яго 8 тысяч падпісчыкаў і 166 тысяч лайкаў у сацсетцы.
Прыт — двухгадовы сабака пароды бордар-колі. Ён умее выконваць трукі, паказваць шоу і азартна гуляць з фрысбі. Менавіта дзякуючы добра вывучаным камандам яго і паклікалі паўдзельнічаць у такой кранальнай падзеі, піша Onliner.by.
Малады чалавек вывучыў спецыяльны жэст, убачыўшы які, сабака і аднёс яму скрыначку.
— А Прыт прынёс пярсцёнак? — удакладняюць у каментарах.
— Не толькі ж сябе любімага! Прынёс, вядома — з гумарам адказвае гаспадыня сабакі.
Рэйтынг самых разумных сабак склалі яшчэ ў сярэдзіне 90-х, і ён дагэтуль не страціў сваёй актуальнасці. Бордар-колі стабільна займае ў ім першае месца. У гэтай пароды вокамгненная хуткасць рэакцый, высокі інтэлект і матывацыя на пастаянную працу.
«Разумнічка!», «Топ», «Прыт найлепшы»», «сабака разумнік, вельмі добра» — пакідаюць каментары пад відэа падпісчыкі.
На жаль, мінакі перашкодзілі добра зняць сам момант перадачы пярсцёнка. Але нішто не сапсавала асаблівую падзею для пары.
Малады чалавек укленчыў, адкрыў скрыначку і падарыў каханай кветкі. А сабака, які выканаў сваю місію, вярнуўся да гаспадыні.
Сэрвісу «Яндэкс.Таксі» пагражаюць блакіроўкай: на АНТ выйшаў разгромны рэпартаж9
Каментары