Разведка ЗША лічыць, што Расія на вайне ва Украіне страціла 315 тысяч чалавек
Рассакрэчаная справаздача разведкі ЗША ацаніла, што вайна ва Украіне каштавала Расіі 315 000 забітых і параненых вайскоўцаў, або амаль 90% асабовага складу, які быў у яе на момант пачатку канфлікту, паведаміла крыніца, піша Reuters.
У дакладзе адзначаецца, што страты Масквы ў асабовым складзе і бронетэхніцы адкінулі расійскую вайсковую мадэрнізацыю на 18 гадоў назад.
У нядаўна рассакрэчанай справаздачы разведкі ЗША гаворыцца, што Расія пачала поўнамаштабнае ўварванне ва Украіну ў лютым 2022 года з 360 000 чалавек.
З таго часу, паводле справаздачы, 315 000 расійскіх вайскоўцаў, або каля 87% ад агульнай колькасці, з якой яны пачалі вайну, былі забітыя або параненыя.
Гэтыя страты зʼяўляюцца прычынай таго, што Расія аслабіла стандарты набору для разгортвання ва Украіне, дадала крыніца.
«Маштаб страт вымусіў Расію прыняць экстраардынарныя меры для падтрымання сваёй баяздольнасці. Расія абвясціла частковую мабілізацыю 300 000 чалавек у канцы 2022 года і змякчыла стандарты, каб дазволіць вярбоўку асуджаных і пажылых грамадзянскіх асоб», — гаворыцца ў справаздачы разведкі.
Расійская армія пачала вайну з 3100 танкамі, страціла 2200 з іх. Расіяне былі вымушаны «запоўніць» гэтую сілу танкамі T62 вытворчасці 1970-х гадоў, пакінуўшы на полі бою толькі 1300 танкаў, цытуе крыніца паведамленне.
Расійскія афіцыйныя асобы неаднойчы заяўлялі, што заходнія ацэнкі колькасці расійскіх загінулых у вайне значна перабольшаныя і амаль заўсёды недаацэньваюць украінскія страты, якія, паводле расійскіх ацэнак, «велізарныя».
Кіеў разглядае свае страты як дзяржаўную таямніцу, а афіцыйныя асобы кажуць, што раскрыццё гэтай лічбы можа нанесці шкоду яго ваенным намаганням.
У справаздачы New York Times у жніўні цытуюцца афіцыйныя асобы ЗША, якія ацэньваюць колькасць загінулых ва Украіне амаль у 70 000 чалавек.
«Уварваліся з дручкамі». Сведка расказаў, як сілавікі збілі аўтаслесара з Віцебска. Праз год той памёр20
Каментары
Идея проста, чем больше погибло народца России, чем больше пролили крови народца России, грабя, насилуя, убивая, тем больше "получили прав" на эти, захваченные чужие территории.