Грамадства22

«Бралі нават медыкаў ведамаснай паліклінікі». Што вядома пра масавыя затрыманні ў Полацку і Наваполацку

Учора стала вядома, што ў Полацку і Наваполацку затрымалі каля 40 чалавек. Былыя работнікі «Нафтана» не выключаюць, што пасля гэтага можа здарыцца чарговая хваля звальненняў.

Фота: прадпрыемства «Нафтан»

Пра затрыманні, якія прайшлі ў канцы мінулага тыдня па справе незалежнага прафсаюза «Нафтана», паведамляў «Позірк». Частку людзей пасля адпусцілі. Больш дэталяў «Нашай Ніве» распавёў былы нафтанавец, актывіст «Рабочага руху» Аляксандр Сакалоў.

Паводле яго звестак, затрыманні праводзіліся на «Нафтане», «Паліміры» і нават у ведамаснай паліклініцы — у ліку затрыманых ёсць і медыцынскія сёстры, і лекары:

«Кагосьці затрымлівалі дома, і тады адразу рабілі ператрус. Кагосьці хапалі на працы або пасля змены, і таксама везлі дахаты».

Сакалоў лічыць, што прычына масавых затрыманняў і допытаў наступная. 12 снежня ў лідаркі ліквідаванага ўладамі незалежнага прафсаюза «Нафтана» Вольгі Брыцікавай заканчваецца тэрмін утрымання пад вартай. У следства бракуе доказаў, і цяпер іх «вытрасаюць» з тых, хто меў дачыненне да дзейнасці незалежнага прафсаюза.

«Цяпер яе трымаюць у віцебскім СІЗА, і следчым тэрмінова патрэбныя падставы, каб чарговы раз працягнуць яе знаходжанне пад вартай. Таму праводзяць ператрусы і дапытваюць людзей пра дзейнасць прафсаюза і ўдзельнікаў агульнанацыянальнага страйку. Некаторым пагражаюць, што «закрыюць» таксама».

Вольга Брыцікава і работнікі «Нафтана». Фота: gazeta.naftan.by

Былы работнік «Нафтана» не бярэцца назваць колькасць тых, каго адпусцілі пасля гутаркі ў міліцыі, а каго пакінулі за кратамі, знайшоўшы «крамолу» ў тэлефоне ці ў сацыяльных сетках. 

«Многія баяцца распавядаць, што іх затрымлівалі і апытвалі. Многія не кажуць, што на іх склалі адміністрацыйныя пратаколы за рэпосты і спасылкі з «экстрэмісцкіх» рэсурсаў. Нібыта гэта на нешта паўплывае! Усё высвятляецца вельмі хутка — калі чалавека звальняюць.

На «Нафтане» існуе такая практыка: калі чалавека затрымліваюць да суда на 72 гадзіны, то потым яго выклікаюць ва ўпраўленне ўнутранай бяспекі і прапануюць звольніцца самому. Калі адседзеў «суткі» — гэта сто адсоткаў звальненне за прагулы. Тым часам шараговых работнікаў на «Нафтане» катастрафічна не хапае, пра гэта ў адкрытую кажуць кіраўнікі. Але прыходзіць чарговы спіс на звальненне — і ўсе падпісваюць».

Падобна, што «Нафтан» чакаюць чарговыя масавыя звальненні. Бо маштаб затрыманняў гэтым разам уражвае. Прадстаўніку «Рабочага руху» вядома, што рабілі ператрусы і затрымлівалі людзей прадстаўнікі розных сілавых структур — ад КДБ і АМАПу да ўчастковых і інспектараў па справах няпоўнагадовых.

«На «Нафтане» часта прыгадваюць Вольгу Брыцікаву, — кажа Аляксандр Сакалоў. — Яна адпрацавала на прадпрыемстве 16 год, пакуль яе не звольнілі за тое, што агучыла патрабаванні работнікаў аб адстаўцы Аляксандра Лукашэнкі і чальцоў ЦВК пасля мінулых прэзідэнцкіх выбараў. Людзі ёй спачуваюць.

Часам выказваюць шкадаванне, што яна не з'ехала за мяжу пасля цэлага шэрагу арыштаў па адміністрацыйных справах — толькі ў 2022 годзе яна правяла за кратамі агульным лікам 105 сутак, з іх 75 сутак запар. Але і пасля гэтага яна казала: тут мая Беларусь, тут мой дом, і я нікуды адсюль не паеду».

У межах крымінальнай справы Вольгу Брыцікаву затрымалі ў жніўні 2023 года. Следства вінаваціць жанчыну паводле ч. 2 арт. 361 Крымінальнага кодэкса (заклікі, накіраваныя на прычыненне шкоды нацыянальнай бяспецы Беларусі, у тым ліку на прымяненне санкцый).

Каментары2

  • Ерома
    05.12.2023
    [Рэд. выдалена]
  • даведка
    05.12.2023
    Сняться в кино и озвучить перед камерой текст не предлагали? Будут!

Немец, прысуджаны да расстрэлу, датычны да дыверсій? Вось што за гісторыя гэта магла быць5

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай16

Полк Каліноўскага афіцыйна пацвердзіў замену свайго камандзіра і заявіў пра рэфармаванне17

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных17

«Па выхадных нават чэргі». У Мінску адкрылася «касмічная» зона адпачынку з бясплатным вяровачным гарадком

У Львове стралялі ў палітыка Ірыну Фарыён. Яна ў крытычным стане18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць5

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →