Свет

Пашынян: У Баку Арменію называюць «Заходнім Азербайджанам»

Армянскі прэм'ер лічыць падазроным, што Баку ніколі публічна не выказваў сваю прыхільнасць тром прынцыпам урэгулявання.

Нікол Пашынян. Фота: Contributor / Getty Images 

Прэм'ер-міністр Нікол Пашынян лічыць, што заявы Баку пра «Заходні Азербайджан» з'яўляюцца асноўнай перашкодай мірнага працэсу. Пра гэта ён заявіў, выступаючы на пасяджэнні Парламенцкай асамблеі АБСЕ ў Ерэване, паведамляе «Спутнік Арменія». 

Паводле слоў прэм'ера, ёсць добрыя і дрэнныя навіны, звязаныя з армяна-азербайджанскім мірным працэсам. Пашынян назваў станоўчым той факт, што асноўныя прынцыпы міру з Азербайджанам узгодненыя.

«Дрэнная навіна ў тым, што мы дагэтуль гаворым на розных мовах дыпламатыі і вельмі часта не разумеем адзін аднаго. Таму ёсць аб'ектыўныя прычыны: шматгадовы канфлікт, тысячы ахвяр, дзясяткі палонных, атмасфера нянавісці і падазрэнні, што за канструктыўнымі заявамі схаваныя нядобрыя намеры. Тое, пра што я кажу, у большай ці меншай ступені адносіцца і да Арменіі, і да Азербайджана», — адзначыў Пашынян.

Армянскі прэм'ер лічыць падазроным, што Баку ніколі публічна не пацвярджаў прыхільнасць тром прынцыпам урэгулявання. На яго думку, гэта паглыбляе атмасферу недаверу. Паводле яго слоў, вельмі сумнеўна і тое, што Арменію ў Баку на найвышэйшым узроўні называюць «Заходнім Азербайджанам» і гэтую канцэпцыю тыражуюць дзяржаўныя СМІ.

«Гэта нам здаецца падрыхтоўкай да новай вайны і новай ваеннай агрэсіі, і з'яўляецца асноўнай перашкодай мірнага працэсу. Мы не разумеем таксама ўтрымання дзясяткаў палонных у Азербайджане. Хоць прапаноўвалі вырашыць пытанне па формуле, дастойнай мірнага парадку дня — усіх на ўсіх», — сказаў на заканчэнне ён.

Пашынян таксама адзначыў, што Арменія прапануе Азербайджану абмеркаваць пытанне эксклаваў і анклаваў. Паводле яго слоў, Баку больш за 30 гадоў акупаваў армянскае сяло на мяжы Арцвашэн.

«Эксклаў Арцвашэн, які з'яўляецца часткай суверэннай тэрыторыі Арменіі, напрыклад, больш за 30 гадоў знаходзіцца пад азербайджанскай акупацыяй», — адзначыў ён.

Пашынян прадставіў тры прынцыпы мірнай дамовы з Азербайджанам. Першы прынцып абвяшчае, што Арменія і Азербайджан прызнаюць тэрытарыяльную цэласнасць адзін аднаго ў рамках 29,8 тыс. і 86,6 тыс. кв. км адпаведна. Другі прынцып — дэлімітацыя і дэмаркацыя межаў павінны ажыццяўляцца ў адпаведнасці з Алмацінскай дэкларацыяй ад 1991 года, на падставе савецкіх карт 1974—1990 гг. Арменія і Азербайджан не маюць тэрытарыяльных прэтэнзій адно да аднаго і абавязваюцца ў будучыні таксама не вылучаць ніякіх прэтэнзій. Трэці прынцып тычыцца разблакоўкі рэгіянальных камунікацый у рамках суверэнітэту, юрысдыкцыі і заканадаўства краін, па якіх яны праходзяць.

Каментары

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму3

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Усе навіны →
Усе навіны

На БТ запусцілі шоу «Добры вечар!» Госця першага выпуску — зорка расійскага шансона Віка Цыганова20

Стрыжак расказаў, як яго вербавалі спецслужбы25

Ізраіль нанёс удары па Емене «пасля дзевяці месяцаў бесперапынных нападаў»8

Зорка тыктоку Ліза Ветрава закрывае свой папулярны блог пра беларускую мову19

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў63

Рэдактар глыбоцкай раёнкі напісаў пра смецце ў горадзе, а пасля зразумеў, што падыгрывае «ворагам»14

«Яны кругласутачна стаяць?» На Нямізе людзі выстраіліся ў аграмезную чаргу — вось навошта ВІДЭА20

Кіеў атакаваў нейкі таямнічы дрон-камікадзэ. Што за ён?1

Былая беларуская спартсменка ўжо другі раз за жыццё памяняла спартыўнае грамадзянства9

больш чытаных навін
больш лайканых навін

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму3

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Галоўнае
Усе навіны →