Надзвычайнае здарэнне на «Віцебскдрэве». 35 чалавек эвакуявалі, адзін работнік у цяжкім стане
Сёння ў цэху МДФ прадпрыемства «Віцебскдрэў» адбылася ўспышка пылапаветранай сумесі з наступным гарэннем. У выніку былі пашкоджаныя 250 квадратных метраў сценавых сэндвіч-панэляў звонку цэха.
Скрыншот відэа МНС
35 чалавек пакінулі цэх самастойна ў выніку спрацоўкі сістэмы апавяшчэння, паведамляе МНС.
49-гадовы работнік быў траўмаваны жалезнай арматурай, ратавальнікі яго дэблакавалі, пасля чаго перадалі медыкам.
Мужчыну даставілі ў Віцебскую абласную клінічную бальніцу ў цяжкім стане з адкрытай пранікальнай чэрапна-мазгавой траўмай, пашкоджаннямі касцей твара, шматлікімі ранамі твара.
Зараз ён знаходзіцца ў аперацыйнай.
Каментары