Грамадства55

«Гэта была памылка, не трэба было чапаць». У Вільні пачаўся суд над байцом з палка Каліноўскага, якога абвінавачваюць у смерці пабраціма

Працэс праходзіць у акруговым судзе літоўскай сталіцы. На просьбу маці загінулага суд зрабілі закрытым на першым ж паседжанні, піша Радыё Свабода.

Трагічны інцыдэнт адбыўся 18 снежня 2022 года ў Вільні, на адной з гарадскіх кватэр, дзе разам апынуліся абвінавачаны і меркаваная ахвяра. Паводле следства, былы баец палка Каліноўскага (на просьбу абвінавачанага не называецца ягонае імя — РС) нажом забіў свайго пабраціма. Следства даказвае віну беларуса з дапамогай заключэнняў экспертаў, на працэс таксама выклікалі некалькі сведак.

Абвінавачаны, якому паводле літоўскага заканадаўства пагражае ад 7 да 15 гадоў зьняволеньня, дагэтуль сваёй віны не прызнаваў. Паводле беларуса, ягоны знаёмы скончыў жыццё самагубствам, а пасля таго, як гэта адбылося, абвінавачаны спрабаваў аказаць яму дапамогу. Пракаментаваць пачатак працэсу ён адмовіўся. У ранейшых інтэрв'ю Свабодзе абвінавачаны расказваў, што ўсё адбылося надзвычай хутка.

«Я еў макарону і пачуў нейкі грукат, паварочваю галаву — і бачу, як ён стаіць з нажом у грудзях. Я ў шоку быў, кінуўся, хацеў дастаць гэты нож, і гэта была памылка, не трэба было чапаць. Але я быў у стане поўнага шоку. За адно імгненне кінуўся да яго. Ён не даваў мне выцягнуць, наадварот, яшчэ болей у сябе ўціскаў. Ён увесь гэты час стаяў, я паклаў яго і стаў клікаць на дапамогу», — гэтак апісваў інцыдэнт абвінавачаны ў размове з журналістам Свабоды, якая адбылася ў жніўні.

Да таго часу беларус прабыў 8 месяцаў пад арыштам, трымаў галадоўку, бо не пагаджаўся з выстаўленым абвінавачаннем і патрабаваў экспертызы на паліграфе. У жніўні былому добраахвотніку замянілі меру стрымання на знаходжанне дома з адмысловым бранзалетам сачэння, але абвінавачанне не знялі. Праз тое, што расследаванне цягнулася больш за 6 месяцаў, справу перадалі на разгляд у акруговы суд Вільні.

Сённяшняе першае паседжанне суду цягнулася не больш за гадзіну. Пасля высвятлення асобы абвінавачанага суд выслухаў маці меркаванай ахвяры, якая прызнаная ў справе пацярпелай. Жанчына знаходзіцца ў Беларусі, з судом яна размаўляла праз відэасувязь. Пацярпелая папрасіла літоўскі суд зрабіць працэс закрытым з меркаванняў уласнай бяспекі.

«Судовая сістэма ў Беларусі, дзе я знаходжуся, пераследуе людзей, якія бралі ўдзел у падзеях пасля 2020 года. На жаль, я асцерагаюся, што калі будуць агучаныя некаторыя факты, мяне могуць затрымаць», — сказала пацярпелая.

Хадайніцтва падтрымалі як дзяржаўны абвінаваўца, так і абвінавачаны і ягоны адвакат. У выніку суддзя абвясціла, што далей працэс будзе праходзіць у закрытым рэжыме. Усім наведнікам, а іх было больш за дзесяць, давялося выйсці з залі.

«Пазову выстаўляць не буду»

Яшчэ да прыняцця гэтага рашэння была абвешчаная пазіцыя пацярпелай адносна грамадзянскага пазову на абвінавачанага. Раней яна не заявіла прэтэнзій і на судзе праз відэасувязь пацвердзіла, што сваёй пазіцыі не змяніла. «Не, грамадзянскага пазову не выстаўляю», — сказала суду пацярпелая беларуска.

Бацька абвінавачанага беларуса Сяргей гэтак пракаментаваў тое, што маці загінулага не выставіла пазову.

«Думаю, гэта лагічна, што яна не хоча загадзя абвінавачваць іншага чалавека ў забойстве яе сына, а хоча аб’ектыўнага суда, каб ва ўсім разабрацца», — сказаў мужчына. Адносна прычыны меркаванага самагубства ахвяры інцыдэнту Сяргей адказаў, што ад сына нічога не ведае аб прычынах, якія маглі падштурхнуць да такога ўчынку. «не чуў ад яго нічога пра гэта, а гадаць не буду», — сказаў Сяргей.

Бацька абвінавачанага крытычна выказаўся пра некаторыя экспертныя заключэнні ў справе сына. Паводле Сяргея, два заключэнні, зробленыя дзяржаўнымі экспертамі, перадузятыя. «Выглядае, што следства адразу схілялася да вызначэння гэтай справы не як інцыдэнту, а як забойства», — мяркуе Сяргей.

Адвакат абвінавачанага ад каментароў адмовіўся. Працэс над беларусам вядзецца на літоўскай мове, але абвінавачанаму дапамагае перакладчык літоўскай мовы на расейскую. Паводле сваякоў абвінавачанага, на мінулым тыдні з яго знялі бранзалеты сачэння і ён пачаў выходзіць на працу.

Працэс адновіцца 28 лістапада. На 8 снежня запланаваны допыт сведак.

Каментары5

  • Практолаг
    09.11.2023
    Дзядзька ў Вільні, паглядзіце ўважліва, там недзе павінен быць гвозд
  • mikola
    09.11.2023
    Zabiu sjabra....Vaina u mnigih mazgi zabirae.....1 000 prykladau....Vietnam...Kareja....Afryka....Afganistan...
  • Влад
    09.11.2023
    Калиновцы - обычные наёмники! Что они сделали для белорусов и Беларуси? Правильно - ничего!

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

У Беларусі пачалася перадвыбарчая агітацыя за Лукашэнку ФОТАФАКТ30

Сусветныя цэны на каву б'юць рэкорды. Кошт вашага латэ пад пагрозай5

Ватыкан прызначыў лідскага ксяндза Андрэя Зноска біскупам. Роўна год таму яго затрымлівалі сілавікі

Стала вядома, у чым падазраюць Рамашэўскую, Дзікавіцкага і іншых топ-менеджараў «Белсата»19

У Італіі журналістку аштрафавалі за жарты пра рост прэм'ер-міністра Мелоні — гэта палічылі бодышэймінгам1

Як беларусам ездзіць праз мяжу на аўто, зарэгістраваных у ЕС, калі беларускія нумары акажуцца пад поўнай забаронай4

«Не хочуць разумець, што гэта вайна!» Лукашэнка выказаў прэтэнзіі пацярпелым ад буры25

Ціханоўская сустрэлася з прэзідэнтам Сербіі Вучычам3

Чарга легкавых аўто на ўезд у Польшчу з Беларусі павялічылася ў чатыры разы5

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл24

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →