У зняволенні Віктар Бабарыка сустракае чацвёрты дзень народзінаў.
9 лістапада сям’я палітыка звычайна збіралася разам. Дзеці віншавалі бацьку зранку, уручаючы падарункі, а ўвечары сям'я ішла на вячэру ў месца з цікавай і незвычайнай кухняй. Там шмат гаварылі, згадваючы сямейныя гісторыі.
Паводле блізкіх да сям’я Бабарыкі людзей, ён больш любіў сам дарыць падарункі, чым прымаць іх.
Цяпер палітыка ўтрымліваюць у памяшканні камернага тыпу наваполацкай калоніі № 1 у ізаляцыі ад іншых зняволеных.
«Якіхсьці выпадкаў асаблівых не было пасля шпіталізацыі вясной», — адзначае паплечнік палітыка.
У маі былы палітзняволены Аляксандр Кабанаў, які сядзеў у наваполацкай калоніі, выказваў меркаванне, што палітыка маглі моцна збіць у калоніі: у яго магло быць прабітае лёгкае і зламаныя рэбры.
«Улада не хоча, каб людзі даведваліся, што адбываецца ў калоніях, і вось на іх яна паказвае», — казаў былы палітвязень.
Паводле Кабанава, Бабарыку ізалююць максімальна. За спробу пагаварыць з ім караюць ШІЗА. Крымінальнікаў страшаць пастаноўкай на прафулік. Супрацоўнікі калоніі стараюцца не звязвацца з Бабарыкам, бо «яшчэ прэзідэнтам стане».
Віктар Бабарыка спачатку працаваў у калоніі апальшчыкам у пякарні. Затым яму далі працу ўкладчыка хлебабулачных вырабаў. Увесь працоўны час ён знаходзіўся ў памяшканні без вентыляцыі, з тэмпературай плюс 30 градусаў.
Па словах Лабачова, у час, што ён быў у калоніі, Бабарыка трымаўся бадзёра, але да людзей ставіўся насцярожана, бо ў калоніі хапае стукачоў.
«Гэта ўбачылі пазаштатныя супрацоўнікі адміністрацыі, пабеглі ў штаб і даклалі пра гэта аперам [супрацоўнікам адміністрацыі калоніі]. На гэтай падставе палітвязню павесілі такі прафулік», — расказваў адзін з былых зняволеных.
Паўлінковіч казаў, што на палітыка кожны месяц складалі рапарты за надуманыя парушэнні і адпраўлялі ў ШІЗА. Бабарыку часта выклікаў цяпер ужо былы начальнік калоніі Андрэй Пальчык, і пасля візітаў Бабарыку кідалі ў штрафны ізалятар.
17 ліпеня сваякоў палітыка на прыёме ў наваполацкай калоніі запэўнівалі, што яго здароўю нічога не пагражае, але самога нявольніка не паказалі.
У гэтым верасні прадалі таксама сем наручных хранометраў Бабарыкі. У 2021 годзе на аўкцыёне купілі яго арыштаваны аўтамабіль Ford Fiesta. Таксама выстаўлялі на таргі аптычны прыцэл, які належыць палітыку, і долі ў статутным капітале трох кампаній — «Прыватлізінг», «Прававы дыялог» і «Сістэмы апрацоўкі інфармацыі».
Экс-старшыня Белгазпрамбанка і мецэнат Віктар Бабарыка 12 мая 2020 года заявіў пра ўдзел у прэзідэнцкіх выбарах. Яго каманда хутка сабрала 440 тысяч подпісаў. 18 чэрвеня 2020 года Віктар Бабарыка і ягоны сын Эдуард, які ўзначальваў перадвыбарчы штаб, былі затрыманыя, калі везлі подпісы ў ЦВК.
Яго сын правёў у СІЗА без суда тры гады. 5 ліпеня яго адправілі ў калонію ўзмоцненага рэжыму на 8 гадоў.
«Наша Нiва» — бастыён беларушчыны
ПАДТРЫМАЦЬСтала вядома, што за дамову ўчора падпісалі Лукашэнка з Пуціным3
Каментары