Расійскія вайскоўцы ўвечары 8 лістапада патрапілі ракетай у цывільнае судна пад сцягам Ліберыі падчас заходу карабля ў порт у Адэскай вобласці. У выніку атакі атрымалі раненні іншаземцы і супрацоўнік порта, яшчэ адзін супрацоўнік порта загінуў, паведамляе «Украінская праўда», спасылаючыся на аператыўнае камандаванне УСУ «Поўдзень».
«Працягваючы тэрор цывільнага суднаходства, вораг падступна ўдарыў супрацьрадыёлакацыйнай ракетай Х-31П у кірунку аднаго з партоў Адэскай вобласці з самалётаў тактычнай авіяцыі ў Чорным моры. Ракета трапіла ў надбудову цывільнага судна пад сцягам Ліберыі ў момант яго заходу ў порт».
У выніку гэтай атакі, як паведамляецца, параненыя трое членаў экіпажа, якія з'яўляюцца грамадзянамі Філіпін. Адзін з іх шпіталізаваны. Лоцман загінуў, яшчэ адзін работнік порта атрымаў раненні.
Кіраўніца інтэрнэт-праектаў АНТ распавяла, чаму раптоўна звольнілася ў 2022 годзе і як з'ехала ў Аўстралію26
Каментары