Здароўе11

Як засцерагчы сябе і сваіх блізкіх ад COVID-19 у новым сезоне. Парады

Восень памалу пераходзіць у зіму. Сезон халадоў прымушае людзей часцей збірацца ў закрытых памяшканнях. Разам з гэтым расце і рызыка заразіцца новымі штамамі каранавіруса, які нікуды не знік. Радыё Свабода на аснове матэрыялу The New York Times сабрала парады медыкаў.

Што трэба зрабіць, каб засцерагчы сябе

Першую параду спецыялістаў вы ўжо чулі раней і шмат разоў: маскі могуць дапамагчы абараніць сябе і іншых ад заражэння.

Трэба таксама старанна мыць рукі і не дакранацца нямытымі рукамі да твару.

Абноўленыя вакцыны супраць COVID-19 таксама ўсё яшчэ працуюць і могуць знізіць вашы шанцы заразіцца. Таксама важна памятаць, што вакцыны зніжаюць рызыку цяжкіх захворванняў.

Жыццёва важны інструмент у эпоху COVID-19 — экспрэс-тэсты. Медыкі нагадваюць, што тэсты варта рабіць пры з'яўленні сімптомаў, а таксама пасля пацверджанага ўжо заражэння, каб вызначыць, ці застаецца вірус у арганізме. Дзеля пэўнасці варта зрабіць два тэсты з інтэрвалам у 48 гадзін.

Калі вы захварэлі, то ў першыя дні пасля пачатку хваробы можна пачаць прымаць нешта з процівірусных лекаў. Гэта можа дапамагчы пазбегнуць цяжкага або зацяжнога COVID-19.

Якія віды актыўнасці найбольш рызыкоўныя

Медыкі сцвярджаюць, што рызыка заразіцца залежыць ад таго, ці бываеце вы ў шматлюдных месцах і як доўга.

Напрыклад, калі мы заходзім у краму, рызыка, хутчэй за ўсё, мінімальная. Але калі мы гадзінамі знаходзімся без маскі ў перапоўненай канцэртнай залі, рызыка будзе значна большая.

«Кожны раз, калі вы знаходзіцеся ў памяшканні з вялікай колькасцю людзей, рызыка ўсё яшчэ існуе», — сказаў у інтэрв'ю The New York Times доктар Марк Сала, судырэктар аднаго з цэнтраў барацьбы з COVID-19 у Чыкага.

У метро ці аўтобусе інфекцыяністы рэкамендуюць насіць маскі.

Самалёты, як лічыцца, менш небяспечныя з прычыны добрай вентыляцыі, але мае сэнс надзець маску пры пасадцы і высадцы.

Агулам, трэба памятаць, што ў халодны сезон любая актыўнасць у памяшканні, напрыклад, паход у бар ці на дыскатэку, нясе пэўную ступень рызыкі.

Як доўга чакаць паляпшэння пасля пачатку хваробы

Па меры з'яўлення новых штамаў каранавіруса час паміж заражэннем і развіццём сімптомаў скараціўся. Цяпер у большасці людзей тэсты, як правіла, даюць станоўчы вынік праз тры дні пасля заражэння. Але шмат каму патрабуецца цэлы тыдзень, каб атрымаць станоўчы вынік экспрэс-тэсту.

Аднак, як толькі звычайны для каранавіруса тыднёвы тэрмін мінецца, вы, хутчэй за ўсё, адчуеце сябе лепш.

Ці мяняць свае планы, калі вы адчуваеце недамаганне, але не ведаеце, ці гэта COVID-19

Гэта залежыць ад таго, наколькі вы і навакольныя людзі схільныя да рызыкі заразіцца.

Гэта таксама залежыць ад таго, з кім вы збіраецеся бавіць час. Напрыклад, калі вы плануеце наведаць старэйшага сваяка, то сустрэчу лепш перанесці.

Можна таксама папярэджваць тых, з кім вы збіраецеся сустрэцца, пра сваё недамаганне. У гэтым выпадку можна перанесці сумесную вячэру на вольнае паветра або прызначыць яе на іншы дзень.

Калі ж у вас тэмпература, трэба застацца дома.

Галоўнае — не забывацца, што самы дакладны спосаб вызначыць, чым выкліканы ваш катар — прастудай, грыпам або COVID-19, — гэта зрабіць тэст.

Наколькі трэба быць асцярожным пасля перанесенага COVID-19

Калі вы хварэлі на каранавірус на працягу апошніх трох месяцаў, вы дастаткова добра абароненыя ад яго натуральным імунітэтам.

Але трэба памятаць, што і ў гэтым выпадку ўсё роўна можна заразіцца паўторна. Зрэшты, гэта значна менш імаверна, бо штамы і іх варыянты, якія цыркулююць у кожны канкрэтны час, вельмі падобныя.

Ці трэба праходзіць каранцін, перад тым як паехаць дадому на вакацыі

Лекары раяць падумаць пра дадатковыя захады засцярогі.

Можна абмежаваць час, які мы праводзім з людзьмі без масак, за пяць дзён да сустрэчы са сваякамі.

Трэба вельмі ўважліва прыслухоўвацца да свайго самаадчування і сачыць за сімптомамі.

Нарэшце, перад паездкай дадому варта зрабіць тэст на каранавірус.

Памятайце, што цалкам рызыку выключыць нельга, але яе можна значна знізіць.

Каментары1

  • Ігар
    29.10.2023
    Прывіцца як Мэф’ю Пэры. А як яшчэ?

«Не хочуць разумець, што гэта вайна!» Лукашэнка выказаў прэтэнзіі пацярпелым ад буры13

«Не хочуць разумець, што гэта вайна!» Лукашэнка выказаў прэтэнзіі пацярпелым ад буры

Усе навіны →
Усе навіны

У акупаваным Луганску знеслі помнікі ахвярам сталінскіх рэпрэсій і Галадамору — «па просьбах ветэранаў»6

У Быхаве для патрыятычных акцый прыдумалі пераносны «Вечны агонь» ФОТАФАКТ9

У падземным паркінгу ў Мінску патанулі 14 аўтамабіляў ВІДЭА9

Экс-палітзняволеная Ася Булыбенка апублікавала фота з кнігай Рэмарка — за гэтым хаваецца кранальная гісторыя

Залева ў Мінску, верагодна, была наймацнейшай за ўсю гісторыю назіранняў4

Расійскі салдат прыстрэліў параненага калегу. Прапаганда спрабавала спіхнуць гэта на ўкраінцаў20

Толькі за апошні месяц над Беларуссю праляталі 6 пасажырскіх самалётаў, якія не павінны былі гэтага рабіць

Аўтар «Свінняў» Чарнуха выдае новую кнігу — даведаліся дэталі1

У Мастах разабралі самы доўгі падвесны мост Беларусі ФОТЫ1

больш чытаных навін
больш лайканых навін

«Не хочуць разумець, што гэта вайна!» Лукашэнка выказаў прэтэнзіі пацярпелым ад буры13

«Не хочуць разумець, што гэта вайна!» Лукашэнка выказаў прэтэнзіі пацярпелым ад буры

Галоўнае
Усе навіны →