Кітайцы расказалі, у колькі ім абыходзіцца імпарт беларускага калію
Галоўнае мытнае ўпраўленне Кітая абнавіла даныя па імпарце калійных угнаенняў. Статыстыка сведчыць, што Беларусь па-ранейшаму выступае ключавым пастаўшчыком калію на кітайскі рынак, піша Myfin.by.
Паводле інфармацыі кітайскага боку, у студзені — верасні 2023 года сукупны аб'ём імпарту Кітая па таварнай пазіцыі «ўгнаенні мінеральныя або хімічныя, калійныя» склаў 3,62 млрд даляраў (папярэднія даныя). Пры гэтым у студзені — верасні мінулага года кошт імпарту складаў 3,25 млрд даляраў, а за такі ж перыяд 2021 года — 1,50 млрд даляраў.
Галоўным пастаўшчыком калійных угнаенняў на кітайскі рынак выступае Беларусь. Па выніках дзевяці месяцаў 2023 года Кітай заплаціў за імпарт беларускага калію каля 1,25 млрд даляраў (+505 млн даляраў да ўзроўню студзеня — верасня 2022 года).
Акрамя Беларусі, у тройку лідараў увайшлі Расійская Федэрацыя (740,0 млн даляраў) і Канада (537,5 млн даляраў).
Дзядуля з Віцебска запосціў фота са скрынкай ад тэлевізара і стаў зоркай тыктоку. А яго сябар ператварыўся ў мем6
Каментары