Мінчукі паспрачаліся, чый раён круцейшы. Зараз спрэчка працягнецца ў судзе
У суд накіравана крымінальная справа ў дачыненні да 37-гадовага гараджаніна, якога абвінавачваюць у наўмысным прычыненні цяжкага цялеснага пашкоджання, распавялі карэспандэнту «Мінск-Навіны» ў пракуратуры Фрунзенскага раёна.
Трое калег распівалі спіртныя напоі на лаўцы. Апʼянеўшы, двое сталі спрачацца, які раён круцейшы — Фрунзенскі ці Маскоўскі. Справа дайшла да бойкі. Адзін з мужчын нанёс апаненту не менш за 30 удараў нагамі і рукамі, пасля чаго пайшоў дадому.
Збітаму гараджаніну стала блага, сведка канфлікту, трэці іх калега, выклікаў хуткую. Медыкі, што прыехалі, павезлі пацярпелага ў бальніцу. Згодна з заключэннем эксперта, у збітага мужчыны цяжкія цялесныя пашкоджанні.
У дачыненні да зламысніка распачалі крымінальную справу.
Абвінавачваны працуе грузчыкам у прыватнай кампаніі, судзімасці не мае. Яму выстаўлена абвінавачанне па ч. 1 арт. 147 КК Рэспублікі Беларусь («Наўмыснае прычыненне цяжкага цялеснага пашкоджання»), санкцыя якога — да васьмі гадоў пазбаўлення волі.
Як жыве і чым займаецца Крысціна Моцная — меркаваная дачка Аляксандра Лукашэнкі33
Каментары