«Бондараўшчына» па-расійску: ідэалагічную дыверсію ўгледзелі ў новай банкноце. У твітары кпяць
Расійскі Цэнтрабанк днямі спыніў выпуск новай банкноты наміналам 1000 рублёў, якая была прэзентаваная за пару дзён да таго. Паведамілі, што яе дызайн вырашылі дапрацаваць, але ў чым прычына і што менавіта зменіцца, не ўдакладнілі. Але, хутчэй за ўсё, такое рашэнне было прынята з-за скаргаў праваслаўных актывістаў, якія ўгледзелі ў адной з выяў ідэалагічную дыверсію.
Раней праваслаўны святар і блогер Павел Астроўскі звярнуў увагу, што на купюры намаляваны «мінарэт з паўмесяцам, а купал праваслаўнага храма без крыжа».
Падтрымала актывіста і афіцыйнае кіраўніцтва Рускай праваслаўнай царквы. Да адбору малюнкаў на купюрах варта падыходзіць больш старанна, каб не ствараць напружання там, дзе яго цалкам можа не быць, напісаў у тэлеграм-канале кіраўнік аддзела РПЦ па ўзаемадзеянні са СМІ Уладзімір Лягойда.
На адным баку тысячарублёвай купюры, якая выклікала гэты скандал, адлюстраваныя славутасці Ніжняга Ноўгарада, а на адваротным — музей у Уфе і дзве славутасці Казані — вежа Сююмбіке і музей гісторыі дзяржаўнасці татарскага народа і Татарстана. Абодва казанскія аб'екты размешчаныя на тэрыторыі Крамля, прычым музей — у будынку былой палацавай царквы, на якой цяпер няма крыжа. Выява гэтага будынка акурат і выклікала незадавальненне праваслаўных актывістаў і кіраўніцтва РПЦ.
У той жа час з сітуацыі не прамінулі пакпіць і карыстальнікі твітара, звярнуўшы ўвагу на яшчэ адну ідэйна нязручную акалічнасць, якую пры жаданні можна ўгледзець на выяве. Маўляў, тая вуліца, якая патрапіла на малюнак пры выяўленні славутасцяў Ніжняга Ноўгарада, называецца Зяленскі з'езд, а гэта значыць, што на купюры прысутнічае Зяленскі.
У бара з хамскім абслугоўваннем насупраць КДБ, здаецца, праблемы. Пастаралася Бондарава
«Выявы лікаў святых павінны выклікаць станоўчыя эмоцыі». Улады патлумачылі, чаму прыбралі іконы новапакутнікаў з храма
«Унеслі карэкціроўкі ў кантэнт». Блогера-мільённіка Дзім Дзімыча выклікалі ў Міністэрства культуры
Борт Лукашэнкі з-за тэхнічных праблем вярнуўся ў Мінск без яго13
Каментары