Вайна88

Расійская армія вядзе масіраваны штурм Аўдзееўкі. Што там адбываецца і чаму гэта важна

Спроба расійскіх войскаў прасунуцца ў раёне ўкраінскага горада Аўдзееўка, якую ў расійскіх каляваенных сацсетках называюць штурмам, даволі лагічная з пункту гледжання агульнай сітуацыі на фронце, піша ваенны карэспандэнт Бі-бі-сі Павел Аксёнаў.

Украінская самаходная артылерыйская ўстаноўка 30-й брыгады вядзе агонь па расійскіх пазіцыях у Данецкай вобласцi, 20 чэрвеня 2023 года. Фота: Evgeniy Maloletka / AP

Горад — цэнтр вялікага выступу, які ўдаецца ў расійскую абарону, і зрэзаць яго — вялікая спакуса для расійскага камандавання. Гэта дазволіла б адсунуць лінію фронту ад Данецка.

Але яшчэ важней для расійскіх сіл адцягнуць украінскіх вайскоўцаў ад іншых раёнаў — ад наступу ў Запарожскай вобласці і ў раёне Бахмута.

Саму Аўдзееўку і яе наваколле ўкраінскія войскі ўтрымліваюць з 2014 года. Горад (дакладней, тое, што ад яго засталося) цяпер уяўляе з сябе даволі моцна ўмацаваны раён.

Ён знаходзіцца ўсяго за некалькі кіламетраў ад Данецка, і ўзяць гэты прамысловы прыгарад прарасійскія фармаванні спрабавалі не раз. Адно з абвастрэнняў здарылася ў 2017 годзе.

З пачатку поўнамаштабнага ўварвання горад стаў месцам моцных баёў. За гады баявых дзеянняў з артабстрэламі і авіяцыйнымі бамбардзіроўкамі Аўдзееўка была вельмі моцна разбурана, горад практычна ляжыць у руінах, што ўскладняе яго штурм.

Яшчэ адзін фактар — наяўнасць вялікага завода, коксахімічнага камбіната, які можа адначасова служыць і базай, і ўмацаваным пунктам, штурмаваць які вельмі цяжка. Праўда, расійскія войскі да яго не прарваліся, так што пра гэта гаворка не ідзе.

Штурмаваць у лоб сам горад расійскія войскі відавочна і не спрабуюць — мяркуючы па месцах баёў, яны хацелі б узяць яго хоць бы ў аператыўнае атачэнне, гэта значыць, трымаць пад абстрэлам лініі забеспячэння. Гэта моцна ўскладніла б абарону.

Гэта можна лічыць класічнай тактыкай штурму горада — яго абараназдольнасць занадта моцна залежыць ад забеспячэння.

Аднак пакуль, нягледзячы на паведамленні прарасійскіх вайсковых блогераў, прасоўванне расійскіх войскаў пад Аўдзееўкай больш чым сціплае.

Гэта ўкладаецца ў агульную канву расійска-ўкраінскай вайны на гэтым этапе. Яна канчаткова перайшла ў пазіцыйную, і ніводны з бакоў не валодае настолькі значнай перавагай у сіле, каб здзейсніць прарыў фронту з выхадам на аператыўны прастор.

Як і на іншых кірунках, дзе расійскія войскі спрабуюць атакаваць, расійскае войска не можа сабраць досыць вялікі ўдарны кулак, каб прабіць украінскую абарону. Расійскай арміі проста не хапае на гэта сіл і сродкаў.

Магчыма, гэта ў хуткім часе прывядзе да чарговага замірання фронту — доўга і павольна штурмаваць умацаваны раён можна, толькі калі ёсць вялікі запас снарадаў для артылерыі і дастатковая колькасць гармат.

Аднак і гэтага, калі ўзяць пад увагу паведамленні, у расійскага войска на гэтым участку няма.

Каментары8

  • Брысь
    14.10.2023
    Фу, ха-ха, одно место болит от такого разгрома?) Побереги нервы, дальше ещё очень много разгромов непобедимой скрепоносной ждёт)
  • Фу такім
    14.10.2023
    Фу, жадаеш і тут чуць рашыскія наратывы? Ідзі на z каналы фыркаць. А сэнс артыкула у тым, што расея з 2014 году не здолела захапіць Аўдзеяку, то наўрад ці зараз у яе гэта атрымаецца.
  • Бармалей
    14.10.2023
    Скоро просерут укранинцы Авдеевку. Реальность от виртуальных видосиков отличается.  

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА2

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА

Усе навіны →
Усе навіны

ФБР назвала імя таго, хто страляў у Трампа23

Калі з Беларусі сыдзе анамальная спёка4

Расіяне занялі Ураджайнае

Беларуска падарожнічае па самых бедных краінах Афрыкі і расказвае — як гэта, калі цябе пастаянна разводзяць на грошы12

Два чалавекі загінулі ў аварыі пад Магілёвам, чацвёра — у рэанімацыі8

Дональд Трамп зрабіў заяву пасля атакі на яго8

Байдэн сказаў, што моліцца за Трампа, і заклікаў аб'яднацца ўсю нацыю11

Чалавек, які страляў на мітынгу ў Дональда Трампа, забіты9

Падчас замаху на Трампа як мінімум адзін чалавек загінуў3

больш чытаных навін
больш лайканых навін

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА2

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА

Галоўнае
Усе навіны →