Кавалеўскі: Мы не пачулі ад расійскіх дэмсіл, што пасля перамен РФ адмовіцца ад каланіяльнай палітыкі
Аб'яднаны пераходны кабінет не мае кантактаў ні з расійскімі ўладамі, ні з расійскай апазіцыяй, паведаміў «Позірку» прадстаўнік Аб'яднанага пераходнага кабінета Валер Кавалеўскі.
Паводле яго слоў, на сённяшні дзень ад дэмсіл Расіі не прагучала «яснай, дакладнай пазіцыі наконт таго, як будзе выглядаць знешняя палітыка РФ у адносінах да краін-суседзяў пасля дэмакратычных перамен».
«Мы не пачулі, што яны будуць гатовы цалкам спакойна ўспрымаць заявы любой з краін, будзе гэта Беларусь або Малдова, Украіна, Арменія, Азербайджан, пра намер увайсці ў Еўрапейскі саюз, НАТА і г.д.», — заявіў Кавалеўскі.
У гэтых умовах, сказаў ён, немагчыма развіваць адносіны хоць якім чынам.
«Мы не хочам мяняць шыла на мыла, падтрымліваць сілу, якая прыйдзе і будзе праводзіць такую ж агрэсіўную, незаконную палітыку, як гэта цяпер робіць Пуцін», — падкрэсліў прадстаўнік Кабінета.
Чытайце таксама:
Ціханоўская: Без не залежнай ад Расіі Беларусі не будзе бяспекі ні для Захаду, ні для ўсяго свету
Каментары