Грамадства66

Ціханоўская: Без незалежнай ад Расіі Беларусі не будзе бяспекі ні для Захаду, ні для ўсяго свету

Святлана Ціханоўская на Варшаўскім форуме бяспекі распавяла пра рэпрэсіі ў Беларусі, дачыненні з Расіяй і стаўленне да Украіны. Некаторыя аспекты яна ўдакладніла падчас інтэрв'ю Украінскаму радыё.

Святлана Ціханоўская. Фота: Украінскае радыё

— Вы выступілі на Варшаўскім форуме па бяспецы. Што вы хацелі сказаць, каб вас пачула ўся сусветная супольнасць?

— Беларусь на Варшаўскім форуме бяспекі з'явілася тры гады таму, пасля 2020 года. Нас як краіны тут ніколі не было. Я ўдзячная арганізатарам, што нам далі голас і мы даносім паведамленне, што тут, у Беларусі, працягваецца тэрор, што колькасць палітвязняў расце штодня. Пры гэтым мы павінны падзяляць беларускі рэжым і беларусаў, бо рэжым стаў супрацоўнічаць з Пуціным, стаў суагрэсарам у вайне супраць Украіны. Беларусы дапамагаюць Украіне як могуць, каб УСУ атрымалі перамогу ў гэтай вайне.

Нас пачалі адрозніваць ад рускіх. Бо 25-гадовы стаж Лукашэнкі прыцягваў нас да Расіі, усе лічылі, што мы з'яўляемся сатэлітам Расіі, а не незалежнай краінай. У Беларусі цяпер ёсць альтэрнатыўны голас, які перабівае голас рэжыму Лукашэнкі. Лукашэнка не прызнаецца легітымным у дэмакратычных краінах.

Які ключавы мэсэдж? Беларусь з'яўляецца ключавым момантам для бяспекі ўсяго рэгіёна: без свабоднай, дэмакратычнай, незалежнай ад Расіі Беларусі не будзе бяспекі ні для Захаду, ні для ўсяго свету. Нас не трэба адсоўваць на позні час: што мы вернемся да беларускага пытання, калі будзе на гэты час і калі ўжо можа быць позна. Цяпер мы бачым спробы Расіі, нейкую паўзучую акупацыю, калі яны ўмешваюцца ва ўсе пытанні беларусаў: палітыка, эканоміка. Лукашэнка выконвае ўсе капрызы Пуціна. Не мае сваёй асабістай палітыкі. Бо разумее, што ён трымаецца ва ўладзе толькі дзякуючы тэрору над беларусамі і падтрымцы Пуціна.

— Лукашэнка залежны ад Пуціна…

— Залежны, але гэта быў ягоны выбар: ці правесці суверэнныя выбары, ці гандляваць суверэнітэтам Беларусі, здрадзіць беларускаму народу і стаць на бок Пуціна. Гэта яго выбар. І нам не трэба ратаваць Лукашэнку і Пуціна. Нам трэба ратаваць Беларусь ад Лукашэнкі. Тут няма простага падыходу. Мы павінны паказаць, што ўвесь дэмакратычны свет на баку беларусаў. І яны падтрымліваюць нас у нашым імкненні выратаваць краіну і адправіцца ў Еўропу. Не ў інтарэсах Лукашэнкі, каб Украіна атрымала перамогу. Ён дапамагае Пуціну, абыходзіць санкцыі, закупляе яму тэхніку.

— Наколькі апазіцыя цяпер аб'яднаная?

— Беларусы аб'яднаныя. Дэмакратычная Беларусь аб'яднаная як ніколі раней. Мы паспрабуем павялічыць ціск на санкцыі і палітычную ізаляцыю рэжыму. Мы павінны знаходзіць шляхі, як данесці праўду да беларусаў унутры краіны. Мы будуем інстытуты, маем Пераходны кабінет, Каардынацыйную раду, каб было больш Беларусі ў Еўропе і больш Еўропы ў Беларусі. Гэта важна, каб беларусы бачылі альтэрнатыву «рускаму свету». Таму што мы жывём больш за 30 гадоў у парадыгме, што Расія наш старэйшы брат і ў нас няма іншых сяброў. Беларусы не такія, як рускія. Нас ніхто не можа прымусіць рухацца тым кірункам, якім мы не хочам ісці. За тры гады Лукашэнка не змог змяніць меркаванне беларусаў. Чаму рэпрэсіі працягваюцца? Бо ён разумее, што калі спыніць рэпрэсіі, то беларусы зноў будуць на вуліцах.

Ён гэтага больш за ўсё баіцца…

— Ён разумее, што няма падтрымкі беларусаў. Беларускі супраціў цяпер у падполлі. Кошт вайны вялікі. За каментары і лайкі людзей садзяць на вялікія тэрміны. За данат на УСУ ў 20 еўра свеціць 6 гадоў турмы. Цяпер легальны дэфолт у Беларусі. Ніякія законы не працуюць. Лукашэнка рэпрэсуе тых, хто ва Украіне, паспрабуе рэпрэсаваць тых, хто з'ехаў. Няма простага рашэння. Наша задача — паказаць рэжыму, што мы не здадзімся. Мы мацнейшыя, бо мы разам. Лукашэнка не мае падтрымкі міжнароднай. Яго надзеяй з'яўляецца толькі Пуцін. Мы яшчэ ўбачым спробы Лукашэнкі балансаваць.

— А такое можа быць?

— Безумоўна. Ён паспрабуе адвязаць свой човен ад вялікага рускага карабля. І вельмі важна, каб у гэты момант дэмакратычныя краіны, а таксама Украіна не павяліся на гэтыя спробы балансаваць.

Каментары6

  • Усё проста
    06.10.2023
    реалист, так злілі, а каб не падзеі 20, то шанец быў бы бо вайны не было б.
  • сложно
    06.10.2023
    Усё проста, война была неминуема при любом раскладе, и планировалась давно. Посмотрите интервью с Дудаевым 93 года, он все знал и предвидел уже тогда, понимая суть каннибальской империи. 
  • Усе элементарна
    06.10.2023
    сложно, менавіта планавалася і для пачатка вайны ім быў патрэбны пляцдарм, а лукашэнка яўна не пагаджаўся на ўсе ўмовы ці прасіў над-та шмат. І як вынік ім патрэбна было яго дэлігалізаваць цалкам. І тут сыграла карта апазіцыі, а дакладней псеўда апазіцыі.

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне13

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

Пасол Украіны па асаблівых даручэннях Ігар Кізім пакінуў сваю пасаду6

Махляры падрабілі галасавое паведамленне ад начальніка беларускі і падманулі яе на 1500 рублёў

Міліцыя расказала, што сёння здарылася на станцыі метро «Купалаўская»3

У Мінску паўтарагадовы хлопчык адчыніў акно і выпаў з 15-га паверха5

На Алясцы знік самалёт з 10 чалавекамі на борце

Расіяне сталі набываць туры ў Беларусь у тры разы часцей, чым летась1

Канал у Аргенціне афарбаваўся ў трывожна-чырвоны колер ФОТАФАКТ3

У Бруселі чацверты раз за тыдзень адбылася страляніна, ёсць загінулы1

Паводле новага закона, небяспечным сабакам можа быць прызнаны нават шпіц12

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне13

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць