Культура66

«Вы проста афігееце, што ў нас такое ёсць». Сябры-фатографы стварылі кнігу аб прыгажосці беларускай прыроды

Акрамя захапляльных фота, у альбоме можна знайсці гісторыі пра вандроўкі і геалакацыю месцаў, якія варта наведаць.

Кут
Фота: інстаграм праекта

Стваральнікі праекта «Кут» захапляюцца фатаграфіяй з дзяцінства. Слава Мазай пачаў здымаць яшчэ ў школе — хлопчыкам ён наведваў вячэрнія курсы фатаграфіі. У хуткім часе хобі перарасло ў майстэрства: цяпер адна з яго работ апублікаваная ў часопісе National Geographic.

Яго паплечнік, Лёша Вугальнікаў, зрабіў першыя кадры разам з бацькам, уласная камера з'явілася ў хлопца пазней: ён купіў яе ў ЗША, дзе апынуўся ў студэнцтве. На яе былі зроблены першыя якасныя здымкі: знакаміты чырвоны мост у Сан-Францыска і іншыя краявіды горада.

Калі ў сяброў назапасілася дастатковая колькасць фатаграфій родных мясцін, прыйшла ідэя зрабіць кнігу пра Беларусь. Першапачаткова фармат задумваўся іншым: хлопцы планавалі зрабіць класічны альбом з удалымі кадрамі, але неўзабаве праект пашырыўся — да здымкаў дадаліся гісторыі з паездак.

«У дзяцінстве я любіў часопіс «Рыбалоў» і асабліва рубрыку «Гісторыі». Там расказвалася, як прыяцелі хадзілі на рыбалку. Магчыма, людзям будзе цікава даведацца, як і мы знайшлі мясціны для фота, як там захрасалі і як потым адтуль выбіраліся», — тлумачыць Аляксей у промароліку пра кнігу.

Каб зрабіць некаторыя фота, аўтарам даводзілася ўставаць у тры раніцы, а за ўдалымі кадрамі палявалі па ўсёй краіне. Слава кажа:

«Беларуская прырода добрая тым, што яна багатая на вобразы. У кнізе вы ўбачыце шмат новых месцаў і афігееце, што ў нас такое ёсць».

Кут
Фота: інстаграм праекта

У першапачатковы варыянт альбома ўвайшло 600 кадраў, але і гэтую колькасць прыйшлося скараціць удвая — усе здымкі трэба было змясціць на 550 старонках.

На дапамогу прыйшлі сябры і знаёмыя фатографаў: некалькі тыдняў яны дапамагалі адбіраць кадры, якія неўзабаве пайшлі ў друк. Так агульнымі намаганнямі з'явілася кніга «Кут».

Кут
Фота: інстаграм праекта

«Кут» дапамагае ўбачыць прыгажосць Беларусі не толькі на фатаграфіях — ля выяў пазначана геалакацыя, каб любы ахвотны змог самастойна з'ездзіць і атрымаць асалоду ад маляўнічых мясцін.

Тым, хто знаходзіцца ўдалечыні ад дому, кніга нагадае пра родныя мясціны. «Не ўсе могуць паехаць паглядзець світанак ці ўбачыць дзікіх жывёл. Але можна адчуць гэтыя ж эмоцыі і праз нашы фатаграфіі», — адзначае адзін з аўтараў праекта.

Кут
Фота: інстаграм праекта

Сёння выпушчана ўсяго 100 экзэмпляраў альбома, але хлопцы кажуць, што тыраж можа быць павялічаны ў залежнасці ад попыту. Набыць кнігу з фотаздымкамі Беларусі можна ў Варшаве і ва Уроцлаве або анлайн — праз сайт праекта.

Каментары6

  • mikola
    25.09.2023
    Baczu- Niczoga cikavaga u getai Knize ! u Kraine usio ni dobra....
  • вероника
    25.09.2023
    к сожалению снимки "обработаны"  , и делать один снимок на две страницы? -- ну тогда делайте лучше больше формат
  • Петч
    25.09.2023
    Беларусь очень красива, если ты птица, с вытсоты не видешь того, что творится на земле и тебя там не достанет омон

Чаму ў Мазыры амаль двое сутак не маглі аднавіць электразабеспячэнне? І пры чым тут вайна4

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Усе навіны →
Усе навіны

Рэспубліканская партыя афіцыйна вылучыла Трампа кандыдатам у прэзідэнты ЗША9

У Кабардзіна-Балкарыі беларус сарваўся са скалы1

Трамп назваў свайго кандыдата ў віцэ-прэзідэнты20

Некаторыя беларусы сустракалі ўчарашні ўраган, купаючыся ў возеры ВІДЭА

Змітра Дашкевіча будуць судзіць па новай крымінальнай справе ўжо на гэтым тыдні7

Латушка: Я магу баяцца піць ваду ці каву ў грамадскіх месцах13

Каля мяжы Польшчы з Беларуссю агрэсіўная моладзь атакавала польскіх вайскоўцаў ВІДЭА27

18-гадовага хлопца з Быхава судзяць за «здраду дзяржаве»9

У Беларусі не будуць рэагаваць на ўвядзенне Латвіяй забароны ўезду для беларускіх аўтамабіляў4

больш чытаных навін
больш лайканых навін

Чаму ў Мазыры амаль двое сутак не маглі аднавіць электразабеспячэнне? І пры чым тут вайна4

Чаму ў Мазыры амаль двое сутак не маглі аднавіць электразабеспячэнне? І пры чым тут вайна

Галоўнае
Усе навіны →