Днямі ў Беларусі стартуе продаж iPhone 15, цэны будуць прыкметна вышэйшымі за амерыканскія ці еўрапейскія. Паглядзелі, колькі можна сэканоміць, калі набыць айфон у Польшчы, Літве або ў шэрых прадаўцоў.
Літва
Сусветны продаж iPhone 15 стартаваў 22 верасня. Тады ж новыя прылады сталі дасяжныя і ў нашых суседзяў з ЕС.
У Літве базавы iPhone 15 з памяццю на 128 гігабайт каштуе 979 еўра.
iPhone 15 Pro на 128 GB — 1249 еўра.
Мадэль 15 Pro Max на 256 GB (мінімальны аб'ём памяці для гэтай версіі) — 1499 еўра.
Калі скарыстацца магчымасцю набыць тэлефон са зваротам часткі ПДВ праз сэрвіс globalblue, то цэны на новыя iPhone для беларусаў будуць выглядаць так:
— iPhone 15 — 870 еўра;
— iPhone 15 Pro — 1110 еўра;
— iPhone 15 Pro Max — 1350 еўра.
Калі купляць у краме, якая сама вяртае 100% ПДВ, то тэлефоны абыдуцца яшчэ прыблізна на 6% танней.
Польшча
У Польшчы айфоны каштуюць крыху даражэй, чым у Літве.
Там базавы iPhone 15 з памяццю на 128 GB каштуе 4 699 злотых, што складае каля 1030 еўра.
iPhone 15 Pro на 128 GB — 5 999 zł, ці каля 1310 еўра.
iPhone 15 Pro Max на 256 GB (мінімальны аб'ём памяці для гэтай версіі) у Польшчы прадаецца за 7 199 zł, гэта каля 1575 еўра.
З улікам вяртання ПДВ па сістэме globalblue цэны на новыя iPhone ў Польшчы для беларусаў будуць выглядаць так:
— iPhone 15 — каля 900 еўра;
— iPhone 15 Pro — каля 1150 еўра;
— iPhone 15 Pro Max — каля 1380 еўра.
Як і ў выпадку з Літвой, калі польскі прадавец будзе самастойна вяртаць 100% ад ПДВ, то ад цаны трэба адняць яшчэ каля 6%.
Калі купляць айфон з Польшчы ці Літвы праз шэрых прадаўцоў, то можна разлічваць на замежныя цэны «брута» плюс яшчэ каля 100 еўра.
Колькі новыя iPhone 15 будуць каштаваць у Беларусі, можна паглядзець тут. Спойлер: значна даражэй.
КДБ выпадкова выдаў двух супрацоўнікаў, адказных за стварэнне спіса «тэрарыстаў»7
Каментары
1) Што вы будзеце лічыць за перамогу Украіны? (Выхад да межаў 2013 года ці нешта іншае)
2) Што будзеце рабіць са сваі смартфонам, калі Украіны не пераможа?