Грамадства77

«Схадзіў муж па прадукты на 20 еўра, то-бок я яму вінная 10 еўра». Беларуска расказала, як можа быць уладкаваны сямейны бюджэт 

Нядаўні артыкул айцішніка Міхаіла Ларчанкі, у якім ён расказаў, як плаціць сваёй жонцы, якая афіцыйна не працуе, але вядзе ўсю хатнюю гаспадарку, заробак з уласных сродкаў, натхніў яшчэ адну беларускую айцішніцу, якая жыве цяпер разам з мужам у іншай краіне, расказаць на Devby.io, як у іх уладкаваны сямейны бюджэт, прытым што абое сужэнцаў, разам жывучы ўжо 5 гадоў, зарабляюць прыблізна аднолькава. 

Здымак ілюстрацыйны. Фота: Suriyawut Suriya / vecteezy.com

Усе выдаткі і даходы дзелім напалову

Я скончыла профільную ВНУ два гады таму. З трэцяга курса прыемна праводжу працоўны час на цікавым праекце, але са сціплымі, па мерках рынку, рэйтамі.

Мой муж на пару гадоў за мяне старэйшы. Скончыў размеркаванне пасля тэхнічнага ўніверсітэта ў праектным інстытуце і падаўся ў айцішку ў 2020 годзе як QA Engineer.

Практычна ўвесь перыяд нашых адносін мы зарабляем плюс-мінус аднолькава. Калі я вучылася, зарплата ў мяне была крыху большая, але я не працавала па 8 гадзін; цяпер ён уладкаваўся на добрую пазіцыю і атрымлівае больш працэнтаў на 20%.

Пераехалі мы на агульныя адкладзеныя грошы з аднолькавымі рэйтынгамі. Бюджэт амаль ідэальна пілуецца напалову. У нас ёсць таблічка ў Excel, куды мы заносім выдаткі, у якіх абое зацікаўленыя. Напрыклад, схадзіў муж па прадукты на 20 еўра, значыць я яму вінная 10 еўра.

Агульныя выдаткі адбываюцца па прынцыпе: ці маем патрэбу мы ў гэтым абое ў роўнай ступені? Лічым выдаткі на прадукты, бытавую хімію, арэнду жылля, падпіскі на стрымінгі, сумесныя выхады (кіно, кавярні, рэстараны), падарожжа, падарункі для блізкіх «ад нас дваіх», хатні ноўтбук.

Прыкладна раз у месяц мы падлічваем розніцу сумы даўгоў кожнага. Напрыклад, я за месяц вінаватая мужу 400 еўра, а ён мне 450. Розніцу ён пераводзіць мне на банкаўскі рахунак або аддае наяўнымі.

Часам хтосьці можа пачаставаць іншага. Такія кейсы мы не запісваем у агульны бюджэт. Па адчуваннях яны адбываюцца з абодвух бакоў з роўнай частатой. Астатнія выдаткі і ашчаджанні — асабісты клопат кожнага.

Бытавыя пытанні — поўнае супрацоўніцтва

Пашанцавала: я не люблю стаяць ля пліты, але з задавальненнем памахаю анучай і швабрай па кватэры. Мужу ж падабаецца гатаваць.

Посуд мыем па чарзе: панядзелак, серада, нядзеля — мае дні, аўторак, чацвер, субота — ягоныя, а пятніца — дзень адпачынку і хаосу. Загрузіць пральную машынку і развесіць вопратку — разам весялей.

Але гэта ў ідэале. На практыцы даводзіцца дамаўляцца: калі я кепска сябе адчуваю, муж можа навесці парадак. Калі ў яго няма настрою гатаваць вячэру, я магу катлет напячы. Гэта могуць быць і разавыя выпадкі, і больш працяглыя.

Здараюцца сесіі і завалы на працы. На такія перыяды таксама дамаўляемся: цяпер, напрыклад, у нас часцей дастаўкі ежы і абеды ў сталоўках.

Мы не плацім адно аднаму за працу па дому. А калі б плацілі, то выходзілі б у нуль: мы абодва трацім прыкладна аднолькавую колькасць сілаў і часу на хатнія справы.

Але давайце прызнаем: сітуацыя, калі абодва партнёры нароўні ўкладаюцца ў хатнія справы і ніхто не адчувае сябе пакрыўджаным або недаацэненым, сустракаецца не ва ўсіх.

Неаплатная праца: мала гавораць, але яна ёсць

Працу па дому выконваюць у асноўным жанчыны. Асноўныя тэндэнцыі відавочныя: чым больш эканамічна развітая краіна, тым менш часу людзі трацяць на хатнюю працу і тым менш прадстаўлены гендарны разрыў па часе ўдзелу.

Таму, прачытаўшы пост Мішы Ларчанкі, я здзівілася і ўзрадавалася. Аўтар не толькі прызнаў факт неаплатнай працы, якую яго жонка выконвае па дому, але палічыў патрэбным абмеркаваць гэта з жонкай, сумесна прыдумаць рашэнне і яго ажыццявіць. А потым яшчэ і падзяліўся і напісаў пра гэта.

Ніхто нікому нічога не павінен: ні муж жонцы, ні жонка мужу. Паміж двума дарослымі людзьмі наогул усё павінна адбывацца па ўсвядомленай і ўголас прамоўленай згодзе.

Праца па дому — гэта таксама праца, на якую траціцца нямала часу. І тое, што гэты ўнёсак у забеспячэнне сям'і не прынята аплачваць, не азначае, што ён бясплатны.

Каментары7

  • tytyty
    10.09.2023
    у людей нет реальных проблем, им скучно и они не смогли придумать ничего лучше, чем следить за потрачеными копейками, высчитывая кто больше съел
    а если в какой-то момент не сойдется математика на 10 евро?
    а если кто-то тратит больше туалетной бумаги - надо пересчитывать же?
    а если кому-то надоест эта глупость?
    жить вместе 5 лет и жалеть потратить на любимого(?) человека денег? соблюдать расписание(!) работ по дому?! всерьез в конце месяца подводить баланс и расчитываться?

    зачем так жить? если есть взаимоуважение и взаимопонимание, то не будет потребительского отношения - зачем тогда все эти подсчеты? а если они нужны т.к. без них будут взаимные претензии - то зачем быть вместе?
  • Долго жіл. Много детей делал.
    10.09.2023
    Правільно
  • Брэст сіла
    10.09.2023
    прабачце, ну вы і зануды

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?19

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Украінскія амбіцыі мець F-16 разбіваюцца аб моўны бар'ер, узлётна-пасадачныя палосы і запчасткі — Bloomberg29

Церцель заявіў, што Украіна адвяла войскі ад беларускай мяжы яшчэ 3—4 ліпеня1

«Ау! Куды вы зніклі?» Як мінчанка перайграла кватэрных аферыстаў

Без электрычнасці застаецца 851 населены пункт Гомельскай вобласці. У Мазыры няма святла, вады, не працуюць прадпрыемствы

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?19

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →