Грамадства11

«Важна скарыстацца з гэтай магчымасці». З пачатку вайны беларусы адкрылі ў Польшчы больш за 11 тысяч ІП

З пачатку вайны Расіі з Украінай больш за 11 тысяч беларусаў зарэгістраваліся ў Польшчы як індывідуальныя прадпрымальнікі (ІП), сведчаць звесткі штотыднёвіка Польскага інстытута эканомікі (PIE). Дзве траціны з іх працуюць у IT, піша выданне Most.

Усяго з пачатку 2022 года па чэрвень 2023 года беларусы зарэгістравалі ў Польшчы 11 716 JDG (Jednoosobowa działalność gospodarcza — польскі аналаг ІП).

Але калі ў пачатку мінулага года грамадзяне Беларусі штомесяц рэгістравалі каля 200 ІП, то з сакавіка статыстыка зафіксавала двухразовы рост, а з мая 2022 года па гэты момант беларусы штомесяц рэгіструюць у Польшчы 600-850 ІП.

Кожны чацвёрты замежны ІП, які з'явіўся ў Польшчы за гэтыя 1,5 года, — з Беларусі. Больш рэгіструюць толькі ўкраінцы.

Асноўны скачок звязаны з рэлакацыяй з Беларусі IT-спецыялістаў. Многія з іх з'ехалі акурат пасля пачатку вайны ва Украіне і пасля ўвядзення ў дачыненні да Беларусі заходніх санкцый.

Дзве траціны ўсіх новых беларускіх ІП у Польшчы (7,9 тыс.) адносяцца да віду дзейнасці «Інфармацыя і сувязь», з іх 86% займаюцца праграмаваннем. Многія іншыя прадпрымальнікі таксама занятыя інтэлектуальнай працай.

11% ІП вядуць прафесійную, навуковую або тэхнічную дзейнасць, 5% займаюцца будаўнічым бізнэсам.

«Галіновая структура беларускіх JDG можа спрыяць папаўненню недахопу супрацоўнікаў у Польшчы, асабліва з высокімі кампетэнцыямі ў галіне IT. Важна скарыстацца з гэтай магчымасці, каб беларускія кампаніі, якія ўзнікаюць у Польшчы, спрыялі паскарэнню лічбавізацыі польскіх кампаній», — лічаць у PIE.

Чытайце таксама:

Польскі дэпутат: Абавязкова знойдзецца рашэнне, каб беларусы маглі заставацца ў Польшчы

У Польшчы ў мінулым годзе беларускі нарадзілі 741 дзіця

Без дзейнага пашпарта знаходжанне беларусаў за мяжой стане незаконным. Вось што можна зрабіць з гэтым тым, хто жыве ў Польшчы ці Літве

Каментары1

  • Python
    07.09.2023
    «Важна скарыстацца з гэтай магчымасці, каб беларускія кампаніі, якія ўзнікаюць у Польшчы, спрыялі паскарэнню лічбавізацыі польскіх кампаній», — лічаць у PIE». Польшча пасля 2020 добра скарысталася беларускім крызісам. І што там з лічбавізацыяй у Польшчы, няўжо ўсё так дрэнна? Нават у Грузіі многія паслугі можна зрабіць анлайн уключаючы падачу дэкларацыі, а ІП дык увогуле можна адкрыць за 15 хвілін.

Блогерку з дзіцём не пусцілі ў рэстаран «на мінскіх Патрыках». Чакайце, дзе?5

Блогерку з дзіцём не пусцілі ў рэстаран «на мінскіх Патрыках». Чакайце, дзе?

Усе навіны →
Усе навіны

Апакаліпсіс у Мазыры. Шторм накрыў Гомельшчыну8

У Германіі беларус пабіўся з малдаванінам. Апошні быў парэзаны

У Індыі жэніцца сын самага багатага чалавека краіны. На вяселле патрацілі шалёныя грошы10

Лукашэнка ахвяраваў міністрам: як і за што пазбаўляліся ад самых важных чыноўнікаў яго сістэмы

Маргарыта Ляўчук выпусціла песню, якую запісала разам з мужам5

Эдуарду Бабарыку прысудзілі дадаткова больш, чым паўтара года1

Колькі беларусаў хочуць мець дзяцей, а колькі ўхваляюць разводы7

Па Віцебску пракаціўся бразільскі карнавал. Вось як гэта выглядала ШМАТ ФОТА44

Як за 20 кіламетраў ад Беларусі праходзіць фестываль Tutaka ШМАТ ФОТА12

больш чытаных навін
больш лайканых навін

Блогерку з дзіцём не пусцілі ў рэстаран «на мінскіх Патрыках». Чакайце, дзе?5

Блогерку з дзіцём не пусцілі ў рэстаран «на мінскіх Патрыках». Чакайце, дзе?

Галоўнае
Усе навіны →