Грамадства11

Галоўчанка расказаў, колькі школ у Беларусі не паспелі падрыхтаваць да навучальнага года

Каля двух дзясяткаў школ у Беларусі не паспелі скончыць капітальны рамонт і не былі ўведзеныя ў эксплуатацыю да пачатку навучальнага года. Пра гэта паведаміў прэм'ер-міністр Раман Галоўчанка падчас працоўнай паездкі ў Гродна.

Раман Галоўчанка. Фота: БелТА

Па словах Галоўчанкі, па стане на 1 верасня ў Беларусі не былі ўведзеныя ў эксплуатацыю 18 з 2865 школ. У іх працягваецца капітальны рамонт.

«Былі прапановы пайсці на кампраміс і здаць як ёсць, потым паціхеньку дарабіць. Але на такое мы пайсці не маглі. У 18-ці школах працягваецца капітальны рамонт, які будзе завершаны да канца бягучага года.

Ва ўсіх школах усім навучэнцам арганізаваны бяспечныя ўмовы, каб навучальны працэс праходзіў бесперапынна», — адзначыў Галоўчанка.

Ён удакладніў, што ў астатніх установах адукацыі краіны, якія атрымалі сертыфікаты гатоўнасці да пачатку навучальнага года, усё, маўляў, прыведзена ў належны выгляд і забяспечаныя ўсе ўмовы. У тым ліку ліквідаваныя парушэнні па пытаннях дарожнай бяспекі і лініі МНС.

«Мы правялі паўторны кантроль тых устаноў адукацыі, якія ўжо мелі сертыфікаты гатоўнасці. Як я і падазраваў, у шэрагу з іх былі выяўлены пэўныя рэчы, якія выслізнулі з-пад увагі. Падчас паўторнага пільнага агляду нічога не схавалася. Таму магу з упэўненасцю сказаць, што большасць школ гатовыя да навучальнага года, адкрыліся сёння і праводзяць першыя ўрокі», — паведаміў чыноўнік.

Па стане на 1 верасня 2021 года ў Беларусі налічвалася 2967 школ, цяпер іх, па словах Галоўчанкі, 2865. Такім чынам, за два гады ў Беларусі закрылі 102 ўстановы адукацыі.

Перадусім гэта, трэба думаць, школы ў сельскай мясцовасці, якія ўсе апошнія гады інтэнсіўна закрываюцца з-за працэсу вымірання вёскі.

Каментары1

  • Рома молодец
    02.09.2023
    Рома - красава, пример того, как неуч и непосредственность, в системе габона и чада на месте Беларуси, может иметь профит и профит очень большой.
    Тем более, что школы - не самое главное, что волнует русский мир в Беларуси....

Хто такая Камала Харыс — кандыдатка ў прэзідэнты ЗША ад дэмакратаў замест Байдэна2

Хто такая Камала Харыс — кандыдатка ў прэзідэнты ЗША ад дэмакратаў замест Байдэна

Усе навіны →
Усе навіны

Былы палітвязень спаліў свой беларускі пашпарт ВІДЭА22

Прарасійская актывістка абурылася, што не можа апублікаваць фота з бел-чырвона-белым сцягам5

На Растоўскай АЭС адбыўся выбух і Расію накрыла хваля радыяцыі? Паспрабавалі разабрацца1

Іван Краўцоў трэці раз запар стаў сакратаром Каардынацыйнай рады40

Следам за краснадарцамі выйшлі патрабаваць электрычнасці і жыхары Анапы1

«25 літраў за 2 гадзіны». Грыбныя трафеі з лясоў сталі больш разнастайнымі3

«Мінскія Патрыкі? Не, Бікіні Ботам». Найлепшыя твіты тыдня4

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

больш чытаных навін
больш лайканых навін

Хто такая Камала Харыс — кандыдатка ў прэзідэнты ЗША ад дэмакратаў замест Байдэна2

Хто такая Камала Харыс — кандыдатка ў прэзідэнты ЗША ад дэмакратаў замест Байдэна

Галоўнае
Усе навіны →