Затрымалі беларуску, якая прыляцела ў Мінск з Італіі да сваякоў
32-гадовая Вераніка Казак некалькі гадоў жыве ў Італіі, мае ДНЖ гэтай краіны, паведамляе «Вясна».
![](http://d3kcf2pe5t7rrb.cloudfront.net/img/w840d4webp1/photos/z_2023_08/2023-08-30164629-79j3z.jpg.webp)
Вядома, што Вераніка прыляцела да сваякоў у Мінск — 25 жніўня яе выклікалі ў міліцыю наконт нейкіх каментароў і допісаў у сацсетках, пасля чаго сувязь з дзяўчынай знікла.
Паводле папярэдняй інфармацыі, супраць Веранікі распачалі крымінальную справу. Падрабязнасці высвятляюцца.
Каментары