На Аршаншчыне ўжо пару месяцаў бегаюць двое бараноў без гаспадара
«Нам кожны дзень пішуць пра згубленых і знойдзеных катоў і сабак, але ўчорашні ліст у рэдакцыю здзівіў. Любы ахвотны можа прытуліць у сябе… баранчыка», — піша рэгіянальнае выданне Orsha.eu.
Паводле гэтага паведамлення, ужо пару месяцаў каля фабрыкі «Салодкая краіна» пад вёскай Хімы Аршанскага раёна бегаюць два нічыйныя бараны.
Мясцовыя жыхары ўжо звярталіся на спецаўтабазу, каб адправіць гэтых жывёл на часовую ператрымку, але бараны маладыя ды хуткія і не даюцца ў рукі. Увогуле яны не ручныя, уцякаюць ад людзей, таму злавіць іх — няпростая задача.
«Вядома, бараны не з лесу выйшлі. У іх быў гаспадар, але яны ад яго збеглі і нават ён ужо махнуў на іх рукой», — канстатуе выданне.
Пакуль што жывёлам добра жывецца і на прыродзе, а вось з надыходам халадоў здабываць сабе ежу стане складаней.
«Мы для іх — мяса». Палітвязень выйшаў з меланомай, ён ускладае віну на начальніцу санчасці і прымусовае галенне галавы7
Каментары