Грамадства2121

Дэпартамент дзяржбяспекі Літвы: Прычыны пагрозы бяспецы Літвы з боку Карач не тыя, пра якія яна гаворыць

На мінулым тыдні Дэпартамент дзяржаўнай бяспекі (ДДБ) Літвы прызнаў грамадзянку Беларусі Вольгу Карач, кіраўніцу Міжнароднага цэнтра грамадзянскіх ініцыятыў «Наш дом», пагрозай нацыянальнай бяспецы. Як піша «Дэлфі», прычыны, з якіх Карач, паводле звестак ДДБ, уяўляе пагрозу бяспецы дзяржавы, не тыя, пра якія жанчына публічна заяўляе.

 Вольга Карач. Скрын відэа

«Прычыны, якія прывялі да ацэнкі таго, што В. Карач уяўляе пагрозу бяспецы дзяржавы — не тыя, якія яна згадвае ў сваіх публічных заявах», — гаворыцца ў паведамленні ведамства, накіраванага інфармацыйнаму агенцтву Elta ў панядзелак.

Пры гэтым адзначаецца, што сапраўдныя прычыны рашэння не зʼяўляюцца публічнай інфармацыяй.

«ДДБ даў Дэпартаменту міграцыі інфармацыю, звязаную з пагрозай В. Карач бяспецы Літоўскай дзяржавы. Гэтая інфармацыя не зʼяўляецца публічнай, таму падрабязней мы яе каментаваць не будзем», — гаворыцца ў каментары ведамства.

Падкрэсліваецца, што В. Карач была праінфармаваная аб прычынах, якія прывялі да рашэння наконт яе. Аднак, зазначае ДДБ, жанчына мае права абскардзіць такое рашэнне ў судзе. «ДДБ, са свайго боку, у судзе зможа паказаць довады, якія прывялі да ацэнкі В. Карач, якія цяпер не могуць быць апублікаваныя», — паведамляе ведамства. 

Таксама ў заяве падкрэсліваецца, што Літва далучылася да Еўрапейскай канвенцыі аб абароне правоў чалавека і асноўных свабод, якая забараняе дэпартацыю чалавека, калі гэта створыць рызыку пераследу.

На мінулым тыдні сама Вольга Карач расказала расійскім СМІ аб тым, што ёй адмовілі ў прадастаўленні прытулку, а прычынай гэтага нібыта з'яўляецца яе інтэрв'ю з Уладзімірам Жырыноўскім , а таксама ўдзел у шэрагу канферэнцый у РФ, якія праводзіліся пры ўдзеле Еўракамісіі.

Учора стала вядома, што прычынай адмовы ў прадастаўленні прытулку актывістцы Вользе Карач маглі стаць падазрэнні ў яе супрацоўніцтве з расійскай разведкай.

Вольга Карач да 2020 года была частай госцяй у расійскіх пракрамлёўскіх выданнях, у прыватнасці, на «Лента.ру» і «Газета.ру». Ад восені 2020 года яна атакавала Святлану Ціханоўскую. Мемам сталі словы экс-сілавіка Ігара Макара, што Юрый Зянковіч «паехаў у Маскву пад гарантыі бяспекі ад Вольгі Карач». У Маскве Зянковіча арыштавалі, разам з Аляксандрам Фядутам.

Карач таксама беспаспяхова падавала заявы ў праваахоўныя органы Літвы і камісіі па этыцы на незалежныя СМІ. 

Каментары21

  • Wunderwaffe
    22.08.2023
    Агентура. Никогда мне не нравилась...
  • Zmicier
    22.08.2023
    у 2014 і 2015 годзе Вольга складала уражанне чалавека больш прарасійскага. Я памятаю яе каментары і пасты ў фэйсбуку адносна беларускай мовы і беларускамоўных. Сяброўства з Дзіянавым і яго сябрамі, а таксама з расейскімі "патрыётамі". У той час, для мяне Вольга хутчэй стала па іншы бок барыкад адносна сітуацыі ва Ўкраіне. Таму, не здзіўляюся прынятаму рашэнню, але неяк ёй спачуваю па-чалавечы, бо разумею, што гэта стрэс. 
  • Лiтвiн
    22.08.2023
    паступова выганяць незгодных
    спачатку мутных звязвных с Масквой
    потым лiтвiнау - скажуць з ФСБ звязаныя
    потым занадта самастойных
    змещаныя пачуццi


Стала вядома імя чалавека, якога сілавікі назвалі першым затрыманым па справе «Гаюна»4

Стала вядома імя чалавека, якога сілавікі назвалі першым затрыманым па справе «Гаюна»

Усе навіны →
Усе навіны

Кітай, імаверна, пабудаваў самую вялікую ў свеце падлодку-беспілотнік1

Пад Добрушам дырэктарка аграпрадпрыемства два месяцы збівала галоўную бухгалтарку8

Шарэнда-Панасюк: Гэта як уваскрашэнне з мёртвых. Я думала, што ўжо не выйду21

«У Еўропе рэч можа каштаваць 30 еўра, а ў нас — усе 100». Беларусы расказалі, як купляюць брэндавыя рэчы, якія не прадаюцца на радзіме3

У мінскім парку Горкага адкрылася кавярня з незвычайным дызайнам

«Не прапускае мышэй без дакументаў». На беларуска-польскай мяжы з'явіўся кот, якога, магчыма, хтосьці згубіў7

Пачалася праца па стварэнні археалагічнага музея пад адкрытым небам на Менцы5

Старшыням райвыканкамаў дадуць права ўзгадняць кіраўнікоў прыватных прадпрыемстваў27

Паліна Шарэнда-Панасюк выехала з Беларусі13

больш чытаных навін
больш лайканых навін

Стала вядома імя чалавека, якога сілавікі назвалі першым затрыманым па справе «Гаюна»4

Стала вядома імя чалавека, якога сілавікі назвалі першым затрыманым па справе «Гаюна»

Галоўнае
Усе навіны →

Заўвага:

 

 

 

 

Закрыць Паведаміць