Грамадства99

Былая кіраўніца МЗС Аўстрыі, якая танцавала з Пуціным, пераехала пад Разань. І там ёй вельмі падабаецца

У суботу ў вёсцы Петрушова Разанскай вобласці прайшло свята «Макаўка лета», на якое штогод з'язджаюцца жыхары навакольных вёсак і дачнікі. Гэта традыцыйнае мерапрыемства, якое праводзіцца шмат гадоў. Але гэтым разам на ім прысутнічала вельмі нечаканая госця — экс-міністр замежных спраў Аўстрыі Карын Кнайсль. 

Фота: vidsboku.com

Экс-міністр зняла ў Петрушове дом, піша мясцовае выданне Vidsboku.

Аддаленая вёска не першы раз прыцягвае замежнікаў, тут купілі вясковыя хаты францужанкі, у адной з якіх арандавала жыллё Карын Кнайсль. У Петрушове няма ніякіх славутасцяў, але гэта вельмі акуратная расійская вёска. Былая кіраўніца МЗС Аўстрыі вядзе зусім не пустэльніцкае жыццё, яна ўжо пазнаёмілася з многімі жыхарамі.

Фота: vidsboku.com

«Калі яна прыйшла да мяне, мы пайшлі ў парыльню, — распавяла Дыльбар Клада — арганізатарка фэсту пра першую сустрэчу з Карын Кнайсль. — Калі яна даведалася, што ў нас ёсць клуб, то сказала, што магла б прачытаць там лекцыю».

Карын Кнайсль узначальвала Міністэрства замежных спраў Аўстрыі ў 2017—2019 гадах. Яна заняла пасаду ва ўрадзе па квоце Аўстрыйскай партыі свабоды, у 2016 годзе «Адзіная Расія» заключыла з гэтай партыяй пагадненне аб узаемадзеянні і супрацоўніцтве.

Фота: vidsboku.com

Палітык атрымала шырокую вядомасць у свеце пасля таго, як на яе вяселлі пабываў прэзідэнт Расіі Уладзімір Пуцін і патанцаваў з нявестай, гэтыя кадры распаўсюдзіліся ў інтэрнэце. Але праз год яна разышлася з мужам.

У верасні 2020 года Карын Кнайсль перабралася ў Францыю з-за нібыта пастаянных пагроз забойствам. Аднак і адтуль была вымушаная з'ехаць. Нейкі час жыла ў Ліване. У лютым 2021 года распараджэннем урада Расіі Кнайсль была вылучаная ў якасці кандыдата ў раду дырэктараў кампаніі «Раснафта», а ў чэрвені — абраная. Але на гэтай пасадзе прабыла нядоўга — у сакавіку 2022 года, пасля пачатку вайны ва Украіне, яна паведаміла кампаніі, што не будзе балатавацца на другі тэрмін, а ў маі падала ў адстаўку.

Фота: vidsboku.com

На свяце ў Петрушове Карын сядзела на лавачцы пад адкрытым небам разам з жыхарамі і іншымі гасцямі. Глядзела выступленні, нешта здымала на тэлефон. На мерапрыемства яна прыйшла адна. У якасці перакладчыка быў студэнт Аляксей, які прыехаў на вакацыі. Малады чалавек адказваў на пытанні госці і на англійскай мове распавядаў ёй пра тое, што адбываецца на сцэне.

Асаблівыя эмоцыі ў экс-міністра выклікала песня Алега Газманава «Вперед, Расія», якую на свяце выканаў хлопчык Косця. Пасля мерапрыемства Карын Кнайсль падышла да яго, пахваліла і паціснула руку.

У канцы свята Карын Кнайсль выступіла перад гледачамі на рускай мове.

Фота: vidsboku.com

«Добры вечар. Толькі крыху размаўляю па-руску, размаўляю па-арабску, па-французску, але мая руская яшчэ маладая і маленькая. Цяпер жыву ў Петрушове, і мне падабаецца гэтая атмасфера. Мне падабаецца, як дзеці тут гуляюць. Тут суперкласная атмасфера, не толькі цяпер, але, па-мойму, кожны дзень. Калі гляджу, куры на вуліцы, качкі, козы — гэта мой свет, гэта таксама мой свет, бо я жыла ў маленькай вёсцы ў Аўстрыі», — сказала яна.

Журналістам яна расказала, што ў Расіі ёй была патрэбная дапамога. «У мяне было некалькі кантактаў людзей, якія дапамаглі мне знайсці жыллё, сказалі, што ёсць дом, які здаецца на лета ў Расіі. Мне таксама дапамагаюць вучыць рускую. Я ведаю восем моў, а вось рускую, на жаль, толькі пачынаю вучыць», — расказала Карын Кнайсль.

Яна кажа, што было няпроста прыехаць на Разаншчыну, але яна стараецца знайсці свой шлях.

«Тут мне падабаецца, у гэтай вёсцы вельмі міла. Я пачала працаваць, працягваю выкладаць і вучыцца, пішу свае кнігі, вучу мову. Мне давялося пакінуць сваё ранейшае жыццё, пачаць усё спачатку, а ў 60 гадоў гэта няпроста», — дадала яна.

Кнайсль выпусціла 15 кніг, а Пуціна апошні раз бачыла ў 2019-м.

Тое самае вяселле, якое было пяць гадоў таму, 18 жніўня 2018 года. Фота: Alexei Druzhinin / Sputnik / Kremlin Pool Photo via AP

Каментары9

  • mikola
    08.08.2023
    idyiotka...
  • Максим Дизайнер
    08.08.2023
    У бегунков батхерт!
  • Paliašuk
    08.08.2023
    Заўсёды казаў: рускамірцы ўсіх нацыянальнасцяў, вас чакаюць на ментальнай радзіме. Няма чаго атручваць жыцці людзям у іншых краінах, дзе вы па факце - госці, не здольныя прыжыцца. Ванькі, гоў хоўм.

Немца Крыгера прысудзілі да смерці за кастрычніцкі выбух у Азярышчы?

Немца Крыгера прысудзілі да смерці за кастрычніцкі выбух у Азярышчы?

Усе навіны →
Усе навіны

Хто такая Камала Харыс — кандыдатка ў прэзідэнты ЗША ад дэмакратаў замест Байдэна7

Між тым у Байдэна нават галава не трэслася27

Камала Харыс заявіла, што балатуецца на пасаду прэзідэнта ЗША 10

Старшыня Вярхоўнага суда анансаваў чарговую хвалю вызвалення палітвязняў19

Паліцыя Украіны паказала фота меркаванага забойцы Ірыны Фарыён7

Рашэнне зняць сваю кандыдатуру Байдэн прыняў сёння. Яно стала нечаканасцю для ягонага штаба9

«Надышоў час аб'яднацца і перамагчы Трампа». Байдэн падтрымаў кандыдатуру Камалы Харыс на выбарах29

«Найгоршы прэзідэнт у гісторыі краіны». Дональд Трамп пракаментаваў выхад Джо Байдэна з прэзідэнцкай гонкі21

Байдэн выходзіць з прэзідэнцкай гонкі47

больш чытаных навін
больш лайканых навін

Немца Крыгера прысудзілі да смерці за кастрычніцкі выбух у Азярышчы?

Немца Крыгера прысудзілі да смерці за кастрычніцкі выбух у Азярышчы?

Галоўнае
Усе навіны →