Грамадства2626

Ціханоўская зняла Азарава і зрабіла некалькі прызначэнняў

Падсумоўваючы вынікі канферэнцыі «Новая Беларусь 2023», кіраўніца Аб’яднанага пераходнага кабінета Святлана Ціханоўская абвясціла пра прыняцце ёй шэрагу кадравых рашэнняў.

Аляксандр Азараў падчас канферэнцыі «Новая Беларусь 2023». Фота Руслана Серадзюка

Самае гучнае з гэтых рашэнняў, хоць і чаканае — адстаўка Аляксандра Азарава з пасады прадстаўніка Кабінета па аднаўленні законнасці і правапарадку.

«Я прыняла рашэнне вызваліць Аляксандра Азарава ад пасады прадстаўніка Кабінета. Разам з тым я б хацела, каб Аляксандр Азараў працягнуў працу пры Кабінеце па плане «Перамога» — і каардынаваў супрацоўніцтва з беларускім падполлем.

Такім чынам, пазіцыя прадстаўніка па аднаўленні законнасці і правапарадку становіцца вакантнай — і мы будзем шукаць адпаведную кандыдатуру», — заявіла Ціханоўская.

Акрамя таго, яна паведаміла пра два прызначэнні ў сваёй камандзе. 

Маргарыта Ворыхава становіцца дарадцай па моладзевай палітыцы і студэнцтве.

Ворыхава — кіраўніца арганізацыі «Рада», раней яна прадстаўляла Беларусь у Кантактнай групе Рады Еўропы і ў Кансультатыўнай групе ў Еўрасаюзе.

Заўважнае апошнім часам пашырэнне супрацоўніцтва з Украінай знайшло адбітак у прызначэнні кіраўніка Місіі дэмакратычнай Беларусі ў Кіеве.

Ім стаў Генадзь Манько, які цягам апошняга года адказваў за наладжванне супрацы АПКБ з Палком Каліноўскага і завязаў ва Украіне добрыя кантакты.

У найбліжэйшы час таксама паабяцана прызначэнне кіраўніка апарата Кабінета і прадстаўленне ім агульнай стратэгіі.

Акрамя таго, Ціханоўская паведаміла пра намер правесці зімой выбары ў Каардынацыйную Раду, «каб яна стала сапраўдным прадстаўнічым органам беларусаў, які мае аўтарытэт і прадстаўляе інтарэсы беларусаў». 

Чытайце таксама:

З Расіяй Беларусь будзе толькі калоніяй, а перамога Украіны дасць шанец. Што гаварылі пра еўрапейскую будучыню на канферэнцыі «Новая Беларусь 2023»

«Наша задача вырваць Беларусь з расійскай арбіты. І правесці дэкаланізацыю Беларусі» — Ціханоўская

Кавалеўскі расказаў і паказаў, што з сябе будзе ўяўляць беларускі альтэрнатыўны пашпарт

Каментары26

  • Халявашнікі
    06.08.2023
    Можа хопіць прыкрывацца беларусамі? Дзе выбары? Вы абяцалі іх правесьці на працягу паўгада як за Вас прагаласуюць? Вы зьлілі пратэст!!! Можа пара адказваць перад выбаршчыкамі? Тры гады такі ж лахатрон як і вертухайшчыкі. Калі ня правядзеце выбары ў Раду БНР - правядзем мітынгі ў Стразбургу, Брусэлю, ў Варшаве, Берліне, Вільне і сыходзіць ня будзем покуль Вас не прыпрыцягнуць да адказнасьці як шарлатанаў.
  • Беларус
    06.08.2023
    А я давяраю Азараву
  • Акинфей
    06.08.2023
    Всё так, типа, по взрослому…

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА8

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА

Усе навіны →
Усе навіны

«Я ненавіджу рэспубліканцаў, я ненавіджу Трампа». У сацсетках вірусіцца фэйкавае відэа ад нібыта стралка ў Трампа8

Пад Брэстам праходзіць джып-фестываль ШМАТ ФОТА2

У Стаўбцоўскім раёне матацыкл трапіў пад цягнік — загінулі два чалавекі1

Хлопец, што страляў у Трампа, быў рэспубліканцам24

Сталі вядомыя падрабязнасці жудаснага ДТЗ пад Магілёвам. У ім загінуў 5-гадовы хлопчык і яго бацька2

МУС распавяло пра аблаву на рок-канцэрт пад Пінскам13

Булачкі з чарніцамі — рэцэпт1

ФБР назвала імя таго, хто страляў у Трампа23

Калі з Беларусі сыдзе анамальная спёка4

больш чытаных навін
больш лайканых навін

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА8

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА

Галоўнае
Усе навіны →