Незвычайны спосаб пошуку кадраў прыдумаў анлайн-гіпермаркет 21vek.by. Кампанія зняла міні-серыял «Кладаўшчык», які распавядае пра шлях у незвычайную прафесію, піша Office Life.
Першыя эпізоды серыяла ўжо даступныя на афіцыйных старонках брэнда ў Instagram і TikTok.
Як распавялі Office Life у кампаніі, галоўным героем серыяла стаў офісны работнік Віталік, які вырашае пачаць новае жыццё і ажыццявіць сваю мару — стаць кладаўшчыком на сучасным складзе анлайн-гіпермаркета 21vek.by. У выніку ў троххвілінных серыях пачаткоўца чакае шмат прыгод, а па ходзе ён вучыцца, вывучае складскую разметку і правілы тэхнікі бяспекі.
Усяго ў серыяле пяць эпізодаў, у кожным з якіх зрабілі акцэнт на ключавыя этапы працаўладкавання на склад.
У кампаніі дадалі, што за год ад моманту запуску лагістычнага цэнтра ў вёсцы Табары адладзілі яго ўнутраныя працэсы, а цяпер такім незвычайным спосабам вырашылі пашырыць сваю каманду.
Саша Філіпенка расказаў, чаму не плануе пісаць па-беларуску і як Беларусь можа стаць падарункам Расіі ў вайне64
Каментары