Грамадства1212

Суддзю, які асудзіў Ашурка і Аўтуховіча, прызначылі ў Вярхоўны суд 

Лукашэнка 31 ліпеня падпісаў указ № 243 «Аб прызначэнні і вызваленні суддзяў», якім прызначыў трох новых суддзяў Вярхоўнага суда. Адзін з іх — Максім Філатаў, які здабыў усебеларускую вядомасць за сваю бязлітаснасць падчас правядзення масавых рэпрэсій.

Максім Філатаў

Максім Філатаў у 2020 годзе быў суддзёй Лідскага раённага суда, і сярод асуджаных ім тады быў Вітольд Ашурак, які атрымаў ад Філатава пяць гадоў зняволення і пасля загінуў пры да гэтай пары нявысветленых абставінах у шклоўскай калоніі.

Але Ашурак быў толькі адным з многіх, хто прайшоў праз канвеер судоў Філатава. Нездарма ён у пачатку 2022 года атрымаў павышэнне ў суддзі Гродзенскага абласнога суда, а вось цяпер, усяго крыху больш як праз паўтара года, падняўся яшчэ вышэй.

Менавіта Філатаў вынес гіганцкія прысуды былому афганцу Мікалаю Аўтуховічу і групе звязаных з ім актывістаў і сям'і святара.

Апошні гучны працэс з удзелам Максіма Філатава — нядаўні суд у Гродне над журналістам Паўлам Мажэйкам і адвакаткай Юліяй Юргілевіч. 26 ліпеня Філатаў прысудзіў Мажэйку шэсць гадоў узмоцненага рэжыму, а Юргілевіч — шэсць гадоў агульнага рэжыму.

З Філатавым звязаны і адзін пікантны эпізод. Пасля суда над Ашуркам у Лідзе яму аднойчы падклалі ў заплечнік фекаліі, пакуль ён займаўся ў трэнажорнай зале.

Акрамя Філатава, новымі суддзямі Вярхоўнага суда прызначаны Алена Рудніцкая і Руслан Царук. Першая дагэтуль была суддзёй Мінскага гарадскога суда, другі — Гомельскага абласнога суда. 

Царук, як і Філатаў, таксама мае славу суддзі-«перадавіка», ягонае прозвішча фігуруе ў многіх працэсах над затрыманымі па палітычных меркаваннях на Гомельшчыне. І ход кар'еры ў іх падобны. Раней Царук працаваў у Светлагорскім раённым судзе, але хваля рэпрэсій дазволіла яму падняцца спачатку на абласны ўзровень, а цяпер і на самы высокі.

Каментары12

  • Гістарычны экскурс
    31.07.2023
    Пасля паразы трэцяга рэйху ў Нямеччыны адбыўся шэраг спецыялізаваных трыбуналаў над нацысцкімі злачынцамі, адзіным з якім быў працэс над нацысцкімі суддзямі. Нажаль старшыня г.з. народнай судовай палаты Роланд Фрайслер не дажыў, бо загінуў "на працоўным месцы" ад амерыканскай бомбы ў студзені 1945.
  • даведка
    31.07.2023
    Районный судья Максим Филатов осудил патриота, который погиб в колонии, и стал судьёй областного суда.
    Судья областного суда Максим Филатов осудил ветерана войны в Афганистане, который чудом выжил, семью священника, журналиста и девушку-адвоката... За три каких-то года из судьи провинциального суда став судьёй Верховного суда. И показательно, что Лукашенко не стал медлить и тянуть до того прекрасного момента, когда судей Верховного суда станет назначать аморфный ВНС.
  • даведка
    31.07.2023
    Судья Сенненского района Людмила Талай, месяц назад оштрафовавшая молодую девушку-педагога за экстремизм, единственная уволилась по собственному желанию. https://d3kcf2pe5t7rrb.cloudfront.net/322314

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА8

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА

Усе навіны →
Усе навіны

У Стаўбцоўскім раёне матацыкл трапіў пад цягнік — загінулі два чалавекі1

Хлопец, што страляў у Трампа, быў рэспубліканцам24

Сталі вядомыя падрабязнасці жудаснага ДТЗ пад Магілёвам. У ім загінуў 5-гадовы хлопчык і яго бацька2

МУС распавяло пра аблаву на рок-канцэрт пад Пінскам13

Булачкі з чарніцамі — рэцэпт1

ФБР назвала імя таго, хто страляў у Трампа23

Калі з Беларусі сыдзе анамальная спёка4

Расіяне занялі Ураджайнае

Беларуска падарожнічае па самых бедных краінах Афрыкі і расказвае — як гэта, калі цябе пастаянна разводзяць на грошы12

больш чытаных навін
больш лайканых навін

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА8

Коля-сек'юрыці, Цяцерын з торбамі і доктарка з Беленькім. Як выглядала світа Лукашэнкі на «Славянскім базары» ВІДЭА

Галоўнае
Усе навіны →