Свет33

Пераварот у Нігеры: у прыхільнікаў путчыстаў заўважылі расійскія сцягі

На гэты момант незразумела, хто кіруе заходнеафрыканскай краінай. Камандуючы арміяй выступіў у падтрымку путчыстаў дзеля захавання адзінства Узброеных сіл. Сама хунта не абвяшчала, хто яе ўзначальвае.

Фота: Sam Mednick / AP

Прыхільнікі путчу ў Нігеры зладзілі мітынг ля будынка парламента краіны. У некаторых былі расійскія сцягі, піша Бі-бі-сі.

Частка мітынгоўцаў пазней напала на штаб-кватэру партыі зрынутага прэзідэнта Махамеда Базума і падпаліла яе.

Афіцыйна Расія, нароўні з іншымі краінамі, выступіла за вызваленне зрынутага прэзідэнта Базума, якога ўтрымліваюць путчысты.

На гэты момант незразумела, хто кіруе заходнеафрыканскай краінай. Камандуючы арміяй выступіў у падтрымку путчыстаў, па яго словах, дзеля захавання адзінства Узброеных сіл. Сама хунта не аб'яўляла, хто яе ўзначальвае.

На дзяржаўным тэлебачанні паўтаралася начная заява аб звяржэнні прэзідэнта, яна перамяжоўваецца з патрыятычнай музыкай і вершамі з Карана. Праграму навін, якая звычайна выходзіць у эфір у абедзенны час, гэтым разам не паказалі.

Аднак у сталіцы Нігера Ніямеі крамы і рынкі адкрыліся ў звычайны час, а пасля ранішніх залеваў на вуліцы выйшлі і прыхільнікі путчыстаў.

Сотні з іх сабраліся ля будынка Нацыянальнай асамблеі. Некаторыя размахвалі сцягамі, іншыя трымалі плакаты «Далоў Францыю!» і «Замежныя базы прэч!».

Нігер да 1960 года быў калоніяй Францыі, якая дагэтуль захоўвае там значны ўплыў і вайсковыя базы.

Гэтая краіна, багатая ўранавай рудой, — адзін з галоўных партнёраў Захаду ў Сахелі (рэгіёне, які прымыкае да пустыні Сахара з поўдня), тут базуюцца не толькі французскія, але і амерыканскія войскі, якія дапамагаюць мясцовым уладам змагацца з узброенымі ісламісцкімі рухамі.

Значэнне Нігера для гэтай кампаніі ўзрасло яшчэ больш пасля пераваротаў у суседніх Малі і Буркіна-Фасо. Гэтыя перавароты таксама суправаджаліся выразнымі сімпатыямі да Расіі; Малі стала адной з галоўных баз ПВК «Вагнер» у Афрыцы і заняло прарасійскую пазіцыю ў многіх пытаннях.

«Мы лічым, што пераварот — гэта антыканстытуцыйная задума, і мы ў прынцыповым плане заўсёды ў такіх выпадках займаем вельмі выразную пазіцыю», — заявіў у чацвер міністр замежных спраў Расіі Сяргей Лаўроў.

Зрынуты дэмакратычна абраны прэзідэнт Нігера Базум падтрымліваў кантакты з прэзідэнтам Украіны і далучыўся да «крымскай платформы».

У чацвер раніцай французскі вайскова-транспартны самалёт прызямліўся на французскай вайсковай базе ў Нігеры, нягледзячы на абвешчанае новай хунтай закрыццё межаў. Хунта выказала пратэст Францыі.

Каментары3

  • Kub
    28.07.2023
    Это ж исконно русские православные земли! Нигерская народная Республика просит помощи! Путен, введи войска! Слава Нигерской губернии!
  • Суповой пакетик
    28.07.2023
    Kub, и самое смешное, что Ваш призыв может быть услышан и реализован в самом буквальном смысле слова, потому что пока в Нигере совершался переворот, в Питере проходит распиаренный саммит "Россия - Африка", вокруг которого так и льются речи, подобные Вашей... только, увы, всерьез. Так что смех тут... невеселый.
  • Фейковые флаги фейковой страны
    28.07.2023
    Расистскае ИПСО

Маладой айцішніцы пагражае да дзесяці гадоў калоніі за ахвяраванні Украіне

Маладой айцішніцы пагражае да дзесяці гадоў калоніі за ахвяраванні Украіне

Усе навіны →
Усе навіны

У Гомельскай вобласці аб'яўлена надзвычайная сітуацыя1

Трамп расказаў, што цудам яго выратавала ад кулі3

Латвія з 16 ліпеня забараняе ўезд машын з беларускімі нумарамі 3

Лідзія Ярмошына пра свае страхі ў 2020: З парламента прабіралася чорнымі хадамі11

У часе буры моцна пацярпелі птушкі. Адзіны ў краіне прытулак для іх не дае рады — яму патрэбная дапамога

Украінскія амбіцыі мець F-16 разбіваюцца аб моўны бар'ер, узлётна-пасадачныя палосы і запчасткі — Bloomberg29

Церцель заявіў, што Украіна адвяла войскі ад беларускай мяжы яшчэ 3—4 ліпеня1

«Ау! Куды вы зніклі?» Як мінчанка перайграла кватэрных аферыстаў

Без электрычнасці застаецца 851 населены пункт Гомельскай вобласці. У Мазыры няма святла, вады, не працуюць прадпрыемствы

больш чытаных навін
больш лайканых навін

Маладой айцішніцы пагражае да дзесяці гадоў калоніі за ахвяраванні Украіне

Маладой айцішніцы пагражае да дзесяці гадоў калоніі за ахвяраванні Украіне

Галоўнае
Усе навіны →