«Ад першага дня прыезду ў турму Жодзіна Зміцер знаходзіцца ў карцары. Ён вымушаны знаходзіцца там, бо адмаўляецца ісці ў камеру да гвалтаўнікоў, куды яго заводзяць», — паведамілі яго сябры ў сацсетках.
Палітвязень Зміцер Дашкевіч павінен быў выйсці на волю на пазамінулым тыдні пасля 16-ці месяцаў, праведзеных за кратамі. Але яго пакінулі за кратамі па артыкуле 411 КК (злоснае непадпарадкаванне патрабаванням адміністрацыі калоніі).
«Сёння мусіў выйсці Зміцер. Але ён «вызваліўся» з ПК-14 і быў арыштаваны па 411-м артыкуле (непадпарадкаванне патрабаванням адміністрацыі). Я не ведаю, што сказаць дзецям, якія з раніцы чакаюць тату дома. Я не ведаю…» — напісала 11 ліпеня Наста Дашкевіч у фэйсбуку.
***
Год таму Змітра Дашкевіча разам з жонкай Настай абвінавацілі ва ўдзеле ў акцыі пратэсту 23 жніўня 2020 года. 14 ліпеня 2022 года Змітру прызначылі 1,5 года калоніі, а Насце — 3 гады «хатняй хіміі».
Цяпер Змітра Дашкевіча, як і іншых палітвязняў, адносна якіх яшчэ не было суда або прысуд не набыў моцы, можна падтрымаць наступнымі спосабамі.
- Даслаць пасылку з рознымі прыемнымі дробязямі і ласункамі.
- Зрабіць грашовы перавод. Грошы, якія будуць залічаныя на ягоны рахунак у СІЗА, пяройдуць за ім у калонію.
- Даслаць тэлеграму праз пошту або па нумары тэлефона 166 (толькі з гарадскога).
- Працягваць дасылаць словы падтрымкі праз лісты і паштоўкі.
Падтрымаць Змітра: 222160, Жодзіна, Савецкая, 22А, Турма N8, Зміцер Вячаслававіч Дашкевіч.
-
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць
-
Беларус Арцём запусціў у Польшчы збор на дапамогу сабе. Многія паверылі, а ён аказаўся махляром
-
У мінскіх гандлёвых цэнтрах і кавярнях цяпер не будуць уключаць сусветныя навагоднія хіты. Затое даюць зарабіць праўладным артыстам
Здаюць у арэнду катэдж загінулага хакеіста Цыплакова ў Драздах. Вось інтэр'еры ФОТЫ21
Каментары