«Гэта не камп'ютарная гульня». Кіраўнік Мінабароны Украіны заявіў, што контрнаступ УСУ адстае ад графіка, але ідзе па плане
Паводле слоў Рэзнікава, уяўленне пра тое, што наступ абавязкова павінен быць хуткім, не адпавядае рэчаіснасці.
Міністр абароны Украіны Аляксей Рэзнікаў прызнаў у інтэрв'ю тэлекампаніі СNN, што контрнаступ УСУ ідзе не так хутка, як планавалася, але адзначыў, што «не занепакоены» вынікам аперацыі, бо яна развіваецца па плане, паведамляе Бі-бі-сі.
Паводле слоў Рэзнікава, уяўленне пра тое, што наступ абавязкова павінен быць хуткім, не адпавядае рэчаіснасці.
Кіраўнік украінскага абароннага ведамства назваў некалькі прычын, з якіх наступ УСУ развіваецца павольней, чым чакалася, у тым ліку недахоп боепрыпасаў, снарадаў і артылерыйскіх сістэм.
«Гэта пытанне СПА. Гэта таксама пытанне таго, што ў нас вельмі доўгая лінія фронту. І супраць нас змагаецца вялікая колькасць ворагаў. Так што гэта вайна. Гэта не камп'ютарная гульня», — заявіў Рэзнікаў тэлекампаніі СNN у інтэрв'ю, якое было запісана ў мінулыя выходныя.
Заходнія эксперты лічаць, што УСУ пачалі наступальную аперацыю ў пачатку чэрвеня, аднак не змаглі хутка прарваць абаронны лініі расейскай арміі.
Украінскія вайскоўцы засяродзілі намаганні на трох асноўных участках фронту, у тым ліку ў раёне Бахмута, на мяжы Данецкай і Запарожскай абласцей (каля вёскі Вялікая Навасёлка, дзе знаходзіўся так званы «Урэмеўскі выступ»), а таксама ля горада Арэхаў.
У выніку першай хвалі наступу ўкраінскія вайскоўцы страцілі пэўную колькасць тэхнікі, у тым ліку дадзенай краінамі Захаду і перагледзелі тактыку, кажуць аналітыкі. На іх думку, цяпер УСУ спрабуюць больш планамерна выматаць расейскія войскі і скарыстацца прабеламі ў абароне, калі яны з'явяцца.
Пра тое, што наступ УСУ ідзе павольней, чым планавалася, у інтэрв'ю Бі-бі-сі ў канцы чэрвеня казаў прэзідэнт Украіны Уладзімір Зяленскі.
Рэзнікаў заявіў СNN, што «нашы генералы, нашы камандзіры бачаць рэальную сітуацыю на полі бою». «І зноў, павінен паўтарыць, галоўная каштоўнасць для нас — гэта жыццё нашых вайскоўцаў», — падкрэсліў міністр.
Паводле слоў Рэзнікава, украінскім вайскоўцам даводзіцца ўручную расчышчаць сабе дарогу, прасоўваючыся па сцежках у палях. Як кажа міністр абароны, у расейцаў ёсць «сур'ёзныя ахоўныя зоны з мінамі», і праз іх «вельмі цяжка прарвацца».
«Мы павінны выкарыстоўваць нашых вайскоўцаў, сапёраў і ўсё гэта вельмі павольна размініраваць, каб падрыхтаваць калідоры для сапраўднага наступальнага руху», — сказаў Рэзнікаў.
Ён дадаў, што ўкраінскія войскі робяць дзеянні на розных напрамках, каб не даць расейцам разумення аб накіраванні асноўнага ўдару.
У дачыненні да агульнага ходу вайны Рэзнікаў сказаў CNN, што да лета наступнага года яна скончыцца перамогай Кіева — і пасля гэтага Украіна можа атрымаць запрашэнне на ўступленне ў NATO.
Стала вядома, што за дамову ўчора падпісалі Лукашэнка з Пуціным27
Каментары