Грамадства55

Завяршаецца гісторыя Беларускай патрыятычнай партыі

Міністэрства юстыцыі звярнулася ў Вярхоўны суд з пазовам аб ліквідацыі Беларускай патрыятычнай партыі. Ён будзе разгледжаны 24 ліпеня. Адпаведная інфармацыя з'явілася ў раскладзе пасяджэнняў суда, піша Reform.by.

Беларуская патрыятычная партыя была ўтвораная ў далёкім 1996 годзе, на самым пачатку кіравання Лукашэнкі, акурат у той час, як ён змагаўся з Вярхоўным Саветам за канцэнтрацыю ўсёй улады ў сваіх руках.

Як і іншыя падобныя арганізацыі, сапраўднай партыяй БПП ніколі не была і не імкнулася ёй быць, функцыя яе была чыста бутафорская. Нават калі ад партыі праходзілі некуды дэпутаты, то гэта заўсёды было іх фактычнае прызначэнне па квотах, а не вынік рэальнай папулярнасці.

Спачатку старшынёй партыі быў адстаўны генерал Анатоль Баранкевіч, а пасля ягонай смерці кіраваць ёй стаў «казацкі атаман» Мікалай Улаховіч, які стаў вядомы тым, што граў ролю аднаго са спарынг-партнёраў Лукашэнкі на прэзідэнцкіх выбарах 2015 года. 

Ніякай нелаяльнасці да ўладаў ні Улаховіч, ні ягоная партыя не праяўлялі: відаць, БПП проста не ўпісалася ў колькасную квоту, вызначаную для кішэнных партый зверху.

На гэты момант вядома, што Мінюст па выніках перарэгістрацыі збіраецца ліквідаваць Беларускую партыю «Зялёныя» і Кансерватыўна-хрысціянскую партыю БНФ. Аб'яднанай грамадзянскай партыі было прапанавана самаліквідавацца. Таксама адмову ў перарэгістрацыі атрымала Беларуская сацыяльна-дэмакратычная партыя (Грамада).

Вясной Мінюст зарэгістраваў Беларускую партыю «Белая Русь», а таксама перарэгістраваў Камуністычную партыю Беларусі, Рэспубліканскую партыю працы і справядлівасці, Ліберальна-дэмакратычную партыю Беларусі.

Акрамя таго, яшчэ не вызначаны далейшы лёс зарэгістраваных Беларускай партыі левых «Справядлівы свет», Беларускай аграрнай партыі, Беларускай сацыял-дэмакратычнай грамады, Сацыял-дэмакратычнай партыі народнай згоды, Партыі БНФ, Беларускай сацыяльна-спартыўнай партыі і Рэспубліканскай партыі. 

Каментары5

  • Плакаць няма чаго
    20.07.2023
    Плакаць няма чаго. Любая сапраўдная беларуская патрыятычная партыя піша сваю назву па-беларуску, а не па-рaсейску.
  • Biełaruski Mikoła
    20.07.2023
    mikola, Nie «velmi skada». Nie vielmi škada taksama. Nie była dobraja partyja, bo nie była zusim partyja. Heta byŭ falšyvy fasad, kab adnaasobnaja dyktatura Łukašenki vyhladała jak «šmatpartyjnaja demakratyja».
  • Русские - тоже белорусы
    20.07.2023
    Плакаць няма чаго, думаешь их из-за этого ликвидируют?

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Усе навіны →
Усе навіны

Кантрактнік у Белгарадскай вобласці Расіі застрэліў трох таварышаў і ўцёк са зброяй

У Калінкавічах у 40 гадоў памёр прапаршчык патрульна-паставой службы 

Эдуарду Бабарыку дадалі паўтара года зняволення2

Байдэн назваў віцэ-прэзідэнта Харыс Трампам. Той рэзка адрэагаваў1

Мілінкевіч расказаў, што беларусы могуць даць Еўропе9

Разграмілі кватэру былога вядучага АНТ Івана Падрэза11

Сямейную пару расіян затрымалі ў Аўстраліі па падазрэнні ў шпіянажы

Шматдзетнай маці далі 6 гадоў калоніі па 6 артыкулах. Сын-падлетак з інваліднасцю чакае яе на волі8

Памёр беларускі саксафаніст Віталь Ямуцееў

больш чытаных навін
больш лайканых навін

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Галоўнае
Усе навіны →