Культура22

«Граў у акопе, прайшоў навучанне як навабранец». Музыка Піт Паўлаў паехаў з канцэртамі да каліноўцаў — дзеліцца ўражаннямі ад пабачанага

«Я граў у вайсковай форме і толькі М-16 памяняў на гітару», — кажа Піт Паўлаў. Гурт N.R.M ва Украіну запрасілі беларускія добраахвотнікі з палка Каліноўскага. Паездку музыкі рыхтавалі два месяцы.

Піт Паўлаў на канцэрце для беларускіх добраахвотнікаў з палка Каліноўскага. Фота: instagram.com/pitpawlaw

Выпраўляцца да ваяроў без гасцінцаў не хацелі, кажа Піт Паўлаў. За два месяцы сабралі 8,5 тысячы даляраў на неабходны каліноўцам вайсковы рыштунак. Збіранне сродкаў працягваецца дагэтуль (для ахвотных далучыцца рахунак тут).

Так склалася, што да каліноўцаў паехаў толькі Піт Паўлаў. Пра сваё падарожжа ён вёў відэаблог. Прабыў музыка ва Украіне амаль тыдзень: адыграў два канцэрты з новымі песнямі, пабачыў на ўласныя вочы, што нарабілі расіяне вайною.

«На ім было шмат ваяроў. Гэта былі людзі рознага ўзросту. Шмат дзяўчат. Багата было ўжо сталых мужчын, майго веку і, як мне падалося, старэйшых за мяне. Усе годныя сімпатычныя людзі. Атмасфера мне спадабалася, у ёй адчуваўся дух таварыства», — расказвае Піт Паўлаў.

Былы дэсантнік Піт Паўлаў на адваяваным украінцамі расійскім БТРы. Фота: асабісты архіў Піта Паўлава

Па словах музыкі, асабліва спадабалася каліноўцам песня «Палае», напісаная падчас вайны.

Палае трава,
Гарыць
Мяжа
У небяспецы.
Сцяной ідзе полымя.
Палае трава.
Палае дзень.
Палае сэрца.
Палае зямля мая».

Рэкрута Паўлава вучылі, як карыстацца амерыканскай вінтоўкай М-16, кідаць гранаты, зрабілі ўводзіны ў тактыку вядзення сучаснага бою.

Лідар гурта N.R.M на занятках па карыстанні зброяй. Фота: instagram.com/pitpawlaw 

«Я сам сяржант-дэсантнік і праводзіў падобныя заняткі, але, як высветлілася, савецкі досвед не адпавядае сучасным рэаліям вядзення бою», — дзеліцца ўражаннямі музыка.

«Я граў у вайсковай форме і толькі М-16 памяняў на гітару. Яна нібы пераўвасобілася са зброі. Людзей на ім было, зразумела, менш, але прыём быў такім жа цёплым, як і ў часці, дзе дыслакуюцца каліноўцы», — кажа беларускі музыка.

Піт Паўлаў на канцэрце для навабранцаў. Фота: instagram.com/pitpawlaw

Для Піта Паўлава і іншых сваіх гасцей ваяры арганізавалі заняткі на адваяваным у расіян БТРы.

«Гэта была састарэлая, у кепскім стане вайсковая махіна. Але было крута. Я сядзеў на брані, як некалі ў войску. Людзі нас у паселішчах віталі», — апавядае музыка.

Да яго падышла маладая жанчына з сынам і папрасіла сфатаграфавацца на фоне вайсковай машыны з украінскім сцягам.

Ён кажа, што ва Украіне адчуванне вайны ва ўсім.

Вазілі беларускага музыку і ў Бучу.

Блогер Шура Балаганаў з Пітам Паўлавым ля разбуранага ў Барадзянцы дома. Фота: асабісты архіў Піта Паўлава

Музыка кажа, што яму расказвалі шмат гісторый гераізму ўкраінскіх салдат.

Піт Паўлаў з «Псіхолагам». Фота: instagram.com/pitpawlaw

«Я казаў, што пераважная большасць беларусаў успрымаюць вайну ва Украіне як сваю. Яны на баку ўкраінцаў усімі сваімі сэрцамі. Я заклікаў украінцаў аддзяляць беларусаў ад лукашыстаў», — адзначае Піт Паўлаў.

Піт Паўлаў заставаўся ў Беларусі два гады, калі ў краіне ўжо панавалі рэпрэсіі.

Ён прызнаецца, што на яго не было непасрэднага ціску.

У эміграцыі Піт Паўлаў з гуртам N.R.M ладзіць канцэрты. З гэтых сродкаў жыве.

На чужыне з гуртам «Піт Паўлаў» ужо выдадзены альбом «Зброя.Золата.Кабеты». Ён пісаўся 13 гадоў, на яго ўжо знята чатыры кліпы. Гэта матэрыял пра падзеі ў Беларусі стагадовай даўніны, апавядае музыка.

Ён лічыць, што вярнуцца ў Беларусь трэба са зброяй.

Глядзіце таксама:

Зяленскі: Не хачу ехаць у Вільню дзеля забавы, Украіна павінна атрымаць гарантыі бяспекі

Каментары2

  • Филолог
    12.07.2023
    [Рэд. выдалена]
  • mikola
    13.07.2023
    Udaczy !

Стала вядома пра арышт гісторыка Ігара Мельнікава3

Стала вядома пра арышт гісторыка Ігара Мельнікава

Усе навіны →
Усе навіны

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

Пуцін зрабіў Z-спевака Шамана заслужаным артыстам Расіі5

Еўрасаюз пачынае перамовы пра бязвізавы рэжым з Арменіяй3

Бязвізам у Беларусь першым скарыстаўся грамадзянін Германіі9

Зянон Пазняк выдаў чарговую кнігу19

У чорных буслоў у Беларусі стала выводзіцца больш птушанят. У чым прычына?

Стрыжак расказаў, як змог так пахудзець8

Падрабязнасці тэракту Крыгера пад Азярышчам — разбураныя шпалы і ніводнага параненага10

больш чытаных навін
больш лайканых навін

Стала вядома пра арышт гісторыка Ігара Мельнікава3

Стала вядома пра арышт гісторыка Ігара Мельнікава

Галоўнае
Усе навіны →