Грамадства22

«Нельга забараніць людзям думаць інакш». Аб’яднанай грамадзянскай партыі прапанавалі самаліквідавацца, там адмаўляюцца

Як і Беларускай партыі «Зялёныя», АГП прыйшоў ліст з Міністэрства юстыцыі, у якім прапаноўваецца тэрмінова склікаць з’езд вышэйшага партыйнага органа і самаліквідавацца, паведаміў «Народнай Волі» сябра палітсавета АГП Леў Марголін. Ён кажа, што партыя гэтага рабіць не будзе. «Няхай ліквідуюць самі», — кажа ён.

Лідар АГП Мікалай Казлоў знаходзіцца ў зняволенні. Ён асуджаны на 2,5 года. Фота: unitedcivilparty / Facebook

— Вы падавалі дакументы на перарэгістрацыю

— Не падавалі, бо не бачылі ў гэтым сэнсу. Навошта гуляць у дзіцячыя гульні? Навошта падаваць дакументы, загадзя ведаючы, што ты парушаеш той закон аб партыях і грамадскіх арганізацыях, які прыняты. Усё гэта несур’ёзна.

— Зараз вашу партыю будуць ліквідаваць праз суд?

— Мяркую, што так. Партыйныя структуры ліквідуюць, а тое, што датычыць сяброў партыі, то яны, калі да гэтага часу нешта рабілі супольна, і працягнуць рабіць у будучыні. Ніхто ж не можа забараніць людзям неяк узаемадзейнічаць, сябраваць і гэтак далей.

Ліквідацыя (ці не ліквідацыя) партыі нічога не вырашае. Мы ж ведаем, што гадамі не рэгістравалі, напрыклад, беларускіх хрысціянскіх дэмакратаў, а яны ўсё роўна існавалі без рэгістрацыі.

Да таго ж варта адзначыць, што асноўны актыў Аб’яднанай грамадзянскай партыі знаходзіцца за межамі Беларусі. Таму калі і будзе працягвацца нейкая партыйная дзейнасць, то ў асноўным за мяжой. У Беларусі актыўная палітычная праца немагчымая, бо гэта небяспечна. І ніхто гэтым займацца не будзе.

— Некаторыя прагназуюць, што ў краіне застанецца толькі чатыры афіцыйна зарэгістраваныя партыі…

— На Аляксандра Лукашэнку ўвесь час ціснулі, каб у нас усё было па-сучаснаму, як у Расіі. Каб у парламенце былі палітычныя фракцыі. І, відаць, ён зразумеў, што прыйшоў час рабіць гэта. Але калі рабіць гэта з тымі наяўнымі дэмакратычнымі партыямі, якія ёсць, то заставалася пэўная рызыка. Таму насамрэч, думаю, зарэгіструюць толькі 3-4 падкантрольныя, праўладныя партыі.

Але, па вялікім рахунку, апошнія тры гады ніякіх апазіцыйных партый і так не было, бо не было ніякіх магчымасцей для апазіцыйнай работы. Партыі былі канчаткова выведзеныя за межы палітычнага поля.

Іншая справа, што ёсць такая аксіёма: можна забараніць партыі і пасадзіць актывістаў, але нельга забараніць людзям думаць інакш.

Каментары2

  • Бібліятэкарка
    28.06.2023
    Прапаноўваю Міністэрству юстыцыі тэрмінова склікаць з’езд лукашыстаў і самаліквідавацца.
  • Песня
    28.06.2023
    Распрагайце, хлопцы, коней

«У Беларусь Крыгер заехаў турыстам». З'явіліся новыя падрабязнасці пра немца, прысуджанага да расстрэлу

«У Беларусь Крыгер заехаў турыстам». З'явіліся новыя падрабязнасці пра немца, прысуджанага да расстрэлу

Усе навіны →
Усе навіны

Каштэлі, ранэты, пепінкі: усё пра старыя беларускія сады і сарты. І дзе іх купіць4

Некаторым журналістам з Беларусі забаранілі асвятляць Алімпіяду3

Якога надвор'я чакаць беларусам на наступным тыдні

На БТ запусцілі шоу «Добры вечар!» Госця першага выпуску — зорка расійскага шансона Віка Цыганова20

Стрыжак расказаў, як яго вербавалі спецслужбы25

Ізраіль нанёс удары па Емене «пасля дзевяці месяцаў бесперапынных нападаў»8

Зорка тыктоку Ліза Ветрава закрывае свой папулярны блог пра беларускую мову19

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў63

Рэдактар глыбоцкай раёнкі напісаў пра смецце ў горадзе, а пасля зразумеў, што падыгрывае «ворагам»14

больш чытаных навін
больш лайканых навін

«У Беларусь Крыгер заехаў турыстам». З'явіліся новыя падрабязнасці пра немца, прысуджанага да расстрэлу

«У Беларусь Крыгер заехаў турыстам». З'явіліся новыя падрабязнасці пра немца, прысуджанага да расстрэлу

Галоўнае
Усе навіны →