Здароўе11

Вучоныя выявілі новы механізм стымуляцыі росту валасоў

Навукоўцы вызначылі механізм, з дапамогай якога пігментныя клеткі скуры, што старэюць, стымулююць рост валасоў у радзімках. Гэта адкрыццё можа дапамагчы ў распрацоўцы новых метадаў лячэння аблысення.

алапецыя алопеция alopecia
Ілюстрацыйнае фота: vecteezy.com

Даследчая група навукоўцаў Каліфарнійскага ўніверсітэта выявіла працэс, пры якім клеткі скуры, што старэюць, выпрацоўваюць пігмент, які выклікае значны рост валасоў у невусах (радзімках).

Адкрыццё можа пакласці аснову для зусім новага пакалення малекулярнай тэрапіі андрагеннай алапецыі (аблысення) — распаўсюджанага генетычнага захворвання, якое выклікае выпадзенне валасоў як у жанчын, так і ў мужчын.

Даўно заўважана, што пігментныя радзімкі на скуры чалавека часта дэманструюць празмерны рост валасоў, што сведчыць аб гіперактыўнасці ствалавых клетак валасоў.

У даследаванні, апублікаваным у часопісе Nature, апісваецца важная роля, якую адыгрываюць малекулы бялку астэапантыну і рэцэптара CD44 у актывацыі росту валасоў. Гэтыя радзімкі назапашваюць асабліва вялікую колькасць састарэлых пігментных клетак і тым не менш дэманструюць вельмі актыўны рост валасоў.

Навукоўцы выявілі, што састарэлыя пігментныя клеткі вырабляюць вялікую колькасць спецыфічнай сігнальнай малекулы бялку астэапантыну, якая прымушае звычайна неактыўныя і мініяцюрныя валасяныя фалікулы актываваць свае ствалавыя клеткі для ўстойлівага росту доўгіх і густых валасоў.

Даследчыкі адзначаюць, што састарэлыя (сенесцэнтныя) клеткі звычайна лічацца шкоднымі для рэгенерацыі і, як мяркуецца, запускаюць працэс старэння, але гэта даследаванне ясна паказвае, што клетачнае старэнне мае і станоўчы бок.

Рост валасяных фалікулаў добра рэгулюецца актывацыяй ствалавых клетак. У выніку сенесцэнтныя клеткі дзеляцца, дазваляючы фалікулам цыклічна вырабляць новыя валасы. Пасля кожнага перыяду росту валасоў надыходзіць перыяд спакою, на працягу якога ствалавыя клеткі фалікулаў застаюцца неактыўнымі да пачатку наступнага цыкла.

У сваім даследаванні вучоныя выкарыстоўвалі мышэй, у якіх актывавалі гены, звязаныя з развіццём невусаў на скуры. Гэтыя невусы мелі гіперактываваныя ствалавыя клеткі валасоў і дэманстравалі паскораны рост валасоў.

Як адзначаецца ў даследаванні, гэта вельмі нагадвае клінічныя назіранні, зарэгістраваныя ў радзімках на валасяной частцы скуры чалавека.

Далейшы падрабязны аналіз састарэлых пігментных клетак і найбліжэйшых ствалавых клетак валасоў паказаў, што першыя прадукуюць высокі ўзровень сігнальнай малекулы бялку астэапантыну, для якой ствалавыя клеткі валасоў маюць адпаведную малекулу рэцэптара — CD44.

Пры малекулярным узаемадзеянні паміж астэапантынам і CD44 ствалавыя клеткі валасоў актываваліся, што прыводзіла да ўстойлівага росту валасоў.

Уплыў астэапантыну на рост валасоў таксама быў пацверджаны ва ўзорах меланацытарных невусаў, узятых у людзей.

Навукоўцы адзначаюць, што гэта адкрыццё патэнцыйна можа быць выкарыстана для распрацоўкі новых метадаў лячэння шырокага спектра рэгенератыўных парушэнняў, у тым ліку звычайнага выпадзення валасоў.

Чытайце яшчэ:

Вучоныя лічаць, што кучаравыя валасы давалі іх уладальнікам эвалюцыйную перавагу

«Патраціў 2 тысячы даляраў — было весела». Беларус расказаў, як рабіў трансплантацыю валасоў у Турцыі

Валасы пасля мыцця: высушыць ці пакінуць, каб сохлі самі?

Каментары1

  • даведка
    27.06.2023
    Есть такое, даже у женщин на лице может не быть пушка, но из маленькой светлой родинки густая щетина.

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Усе навіны →
Усе навіны

У мінчука скралі рэчы, пакуль ён купаўся ў Цнянскім вадасховішчы

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам15

«Бунт» з-за раёна, чаўнакі на паўзе і лёс старога парку. Чым жыве самы заходні горад Беларусі?

Аўстрыйскі палітолаг спрагназаваў, што пачатку вайны Расіі з НАТА можа папярэднічаць паўстанне палякаў у Беларусі. А чаму не бунт рэптылоідаў?10

«Мае аксэсуары прыносяць поспех, упэўненасць у сабе і грошы». Спявачка Галіна Шышкова стала дызайнеркай5

«Аказваецца, і на тым баку ёсць людзі». Маці Івана Падрэза ўсё ж не высяляюць6

Па Мсціслаўскім раёне пранёсся моцны ўраган

У Беларусі ўжо +37,5°С. У сервісе дастаўкі прадуктаў знікла папулярная мінеральная вада1

51 нобелеўскі лаўрэат заклікаў неадкладна спыніць вайну ва Украіне і канфлікт у сектары Газа13

больш чытаных навін
больш лайканых навін

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Галоўнае
Усе навіны →