Грамадства1919

Азараў патлумачыў, што адбываецца са звесткамі з плана «Перамога»

Прадстаўнік Аб'яднанага пераходнага кабінета па аднаўленні законнасці і правапарадку Аляксандр Азараў адказаў на пытанні чытачоў «Нашай Нівы» пра план «Перамога» і кантакты беларусаў, якія ў ім захоўваюцца.

Аляксандр Азараў. Фота Нашай Нівы
Аляксандр Азараў між Валерам Кавалеўскім і Святланай Ціханоўскай. Фота: Офіс Святланы Ціханоўскай

Ці не адбылося зліву звестак беларусаў з плана «Перамога» праз канфлікт у «Байполе»?

— План «Перамога», бот плана «Перамога», акаўнт «Байпола», на які пісалі людзі, — усё знаходзіцца ў бяспецы, і аніякія звесткі нікуды ніхто не зліў. Мы гарантуем бяспеку.

Што сталася са звесткамі, якія перадалі «Байполу» беларусы?

— Поўныя асабістыя даныя нам ніхто не перадаваў, людзі адказвалі на пытанні: ці праходзілі яны вайсковую службу, што гатовыя рабіць, у якім населеным пункце і раёне горада жывуць і, можа быць, дзе працуюць.

Там няма ні нумароў тэлефонаў, ні мэйлаў, ні імёнаў і прозвішчаў. Усе нібыта «злітыя базы» — гэта ўкіды спецслужбаў Беларусі.

Наша база зашыфраваная з дапамогай складанага алгарытму, нават калі яе адкрыць — ты нічога там не зробіш. Там усё ў шыфрах.

Якія ўвогуле звесткі захоўваюцца ў базе плана «Перамога»?

— Там захоўваюцца звесткі з анкетнага апытання і id тэлеграм-акаўнтаў. «Дэананімізаваць» чалавека па id можна, хоць і складана, але для гэтага трэба ведаць, што чалавек увогуле запісаўся ў план. Даведацца гэта напэўна немагчыма, бо немагчыма атрымаць базу звестак, і інфармацыя адтуль не ўцякала і не ўцячэ.

Якім чынам арганізавана сувязь унутры плана «Перамога» і як не папасціся на фэйкі?

— Уся камунікацыя ў межах плана «Перамога» адбываецца выключна праз арыгінальны бот. І ўсё, аніякіх іншых шляхоў сувязі няма.

У бот немагчыма нічога запісаць, акрамя анкетных звестак. Таму, калі з вамі захоча звязацца прадстаўнік плана «Перамога», з бота плана прыйдзе паведамленне. Да прыкладу: «Просьба выйсці на сувязь з гэтым акаўнтам». І там будзе спасылка на акаўнт супрацоўніка «Байпола». Але, яшчэ раз, пераправерце двойчы, каб гэта быў арыгінальны — арыгінальны! — бот.

Як зараз звязацца са стваральнікамі плана «Перамога»?

— Нашы кантакты ўказаныя на сайце «Байпола», з сацыяльнымі сеткамі ўсё вырашаецца. Таксама мы кантралюем наш кантактны акаўнт. Усе ахвотныя могуць задаць туды свае пытанні.

Ці магчыма «выпісацца» з плана «Перамога»?

— Расказваць, як выпісацца з плана, — гэта як здрада радзіме для мяне, бо я веру ў план «Перамога» і ў тое, што ён важны для вызвалення Беларусі. Мы заклікаем змагацца з рэжымам, а не здавацца яму ў палон. Хто баіцца, той не пераможа!

Вы будзеце працягваць вашу дзейнасць?

— Так, у нас усё ў парадку. Мы вырашаем унутраныя праблемы і працягнем змаганне з рэжымам Лукашэнкі да перамогі.

Чаму беларусы мусяць даверыцца плану «Перамога»?

— Яму раней даверыліся рэйкавыя партызаны, удзельнікі акцыі ў Мачулішчах і іншыя людзі, якія дзейнічаюць, каб вярнуць у Беларусь законнасць і правапарадак. І кожны раз звесткі пра ўсіх удзельнікаў былі ў бяспецы. Таму я лічу, што мы дастаткова добра абаранілі і працягваем абараняць даныя ўдзельнікаў плана.

«Наша Нiва» — бастыён беларушчыны

ПАДТРЫМАЦЬ

Каментары19

  • Беня
    25.06.2023
    [Рэд. выдалена]
  • Нгш
    25.06.2023
    Когда все под колпаком и телефоны даже в электричках пррверяют, коммуникация происходит через чат бот, а он в аккаунте телеграмма всегда на виду. Гениальный и очень конспиративный способ коммуникации. И на что тогда им сотрудничество с киберами?
  • EMIL
    25.06.2023
    [Рэд. выдалена]

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Усе навіны →
Усе навіны

Кантрактнік у Белгарадскай вобласці Расіі застрэліў трох таварышаў і ўцёк са зброяй

У Калінкавічах у 40 гадоў памёр прапаршчык патрульна-паставой службы 

Эдуарду Бабарыку дадалі паўтара года зняволення2

Байдэн назваў віцэ-прэзідэнта Харыс Трампам. Той рэзка адрэагаваў1

Мілінкевіч расказаў, што беларусы могуць даць Еўропе9

Разграмілі кватэру былога вядучага АНТ Івана Падрэза11

Сямейную пару расіян затрымалі ў Аўстраліі па падазрэнні ў шпіянажы

Шматдзетнай маці далі 6 гадоў калоніі па 6 артыкулах. Сын-падлетак з інваліднасцю чакае яе на волі8

Памёр беларускі саксафаніст Віталь Ямуцееў

больш чытаных навін
больш лайканых навін

Пад Варшавай трагічна загінуў 31-гадовы беларускі раварыст Аляксандр Пуставітаў3

Пад Варшавай трагічна загінуў 31-гадовы беларускі раварыст Аляксандр Пуставітаў

Галоўнае
Усе навіны →